نێچیروان بارزانی و ماکرۆن رێککەفتن لەبان مقیەتیکردن مافەیل کورد لە سوریا
شەفەق نيوز/ نێچیروان بارزانی سەرۆک هەرێم کوردستان، و ئیمانۆئێل ماکرۆن سەرۆک فەرەنسا، ئمڕوو دووشەممە، ڕێککەفتن لەبان گرنگی مقیەتیکردن مافەیل کورد و ئەو پیکاتەیل لە سوریا، و گاڵداین وەرەو چارەسەری ئاشتەوایی گشتگیر ئەرا پرسە گیرهاتگەیل لە ناوچەگە وە گفتوگۆ و لەیەکفامسن.
ئەوەیش وەگەرد پیشوازیکردن ماکرۆن لە نێچیروان بارزانی لە کۆشک ئیلیزێه لە پاریس هات، و دویای رسوومەیل پیشوازیکردن، هەردوگ سەرۆک گردەوبوینیگ ئەنجام دان، لەناوی باس شیوەیل پاڵپشتیکردن پەیوەندییەیل ناوەین فەرەنسا و عراق و هەرێم کوردستان کردن، و فراوانکردن ئاسووەیل هاوکاری دووانی ناوەین دوو لایەن.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سوپاس و رێزی ئەرا سەرۆک ماکرۆن و رۆڵ هەمیشەیی فەرەنسا نووەو کرد ئەرا پشتگیریکردن عراق و هەرێم کوردستان، و دووپات لە گرنگی پشتگیریکردن ئارامی ناوچەگە کرد.
هەردوگ لایەن دووپات لە ئارەزوویان ئەرا گەشەپیدان پەیوەندییەیل دووانی لە جویراجویر چینەیل کردن، و لەبان گرنگی مقیەتیکردن ئاسایش و ئارامی عراق و دویرخستنی لە ژاوەژاو ئەمنی.
لە دیدارەگە، باس نووەوبویەل رەوشەیل لە خوەرهەڵات ناوڕاس، و لە قەیران سوریا، و رخداریەیل تیرۆر، و سەرکەوتنی هەڕەشەی ریخریاگ داعش کردن.
دوو سەرۆک ڕێککەفتن لەبان جرتحی مقیەتیکردن مافەیل کورد و ئەو پیکاتەیل لە ، و هاندان وەرەو چارەسەر ئاشتەوایی گشتگیر ئەرا پرسە گیرهاتگەیل لە ناوچەگە وە گفتوگۆ و لەیەکفامسن.
لە دیدارەگە هەمیش بڕیگ باوەت گرنگ لەلای هەردوگ لایەن باس کریا.
دویەکە یەکشەممە، نێچیروان بارزانی وە جیوەجیکردن مکیسیگ فەرمی، رەسیە پاریس پایتەخت فەرەنسا.
