نێچیروان بارزانی و حەسان دووپات لە گرنگی مقیەتیکردن ئارامی سیاسی لە عراق کەن

شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، پیشوازی لە محمد حەسان نوێنەر تایبەت ئەمیندار گشتی نەتەوە یەکگرتگەیل لە عراق کرد، ئەرا باسکردن لە نووەوبویەل رەوشەیل لە عراق و هەرێم کوردستان، ە شیوەیل بتەوکردن هاوکاری ناوەین نەتەوە یەکگرتگەیل و عراق و هەرێم کوردستان.
وەگورەی بەیاننامەیگ رەسیە ئاژانس شەفەق نیوز، هەردوگ لایەن لە دیدارەگە دووپات لە گرنگی مقیەتیکردن ئارامی سیاسی لە عراق کردن، و لەبان قایمکردن هاوکاری ناوەین بەغداد و هەولێر و چارەکردن ناکۆکیەیل گیرهاتگ وە گفتوگۆ و لەیەکفامسن.
هەمیش نووڕینەیل خوەیان لەبان دانوسەنینەیل ناوەین ئەو لایەنەیل سیاسیە نشان دان کە لە هەڵوژاردن پەرلەمان کوردستان سەركەفتنە، و دووپاتکردن لەبان گرنگی زویوەزویکردن گامەیل دروسکردن حکومەت نوو لە هەرێم.
لە لاییگ ترەک لە دیدارەگە، باس رۆڵ نەتەوە یەکگرتگەیل و ریخریاگەیل مرۆیی کریا ئەرا پاڵپشتیکردن رەوش ئاوارەیل و پەنابەرەیل لە هەرێم کوردستان، کە دووپات لەبان وەردەوامی پشتگیریکردن نەتەوە یەکگرتگەیل ئەرا عراق و هەرێم کوردستان لە جویراجویر چینەیل کریا، و بتەوکردن هەماهەنگی و هاوکاری هاوبەش.