نێچیروان بارزانی لە یاد یەک شوبات: یەگڕزی ئیمە وەهازترین وەڵامە لەبان تیرۆر

شەفەق نیوز/ نێچیروان بارزانی سەرۆک هەرێم کوردستان، وەبوونەی ساڵیاد یەک شوبات بەیاننامەیگ دەرکرد، لەناوی دووپات لەبان گرنگی یادکردن قوربانیەیل شەهیدەیل و ئەرزشەیل یەکخستن و شانوەشانی کرد ئەرا نواگیریکردن سەختیەیل لەڕوی هەرێم.
لە بەیاننامەگە هات کە ئمڕوو وە گشت رێز و گەورەییگ یاد ئەو شەهیدەیل ئیمە کەیمن کە لە یەک شوبات، کە بوینە سومبولیگ ئەرا یەکخستن خوین کوردستانی، دویای ئەوە کە دەس تیرۆر غەدار وەبی جیاوازی کردەیانە ئامانج.
وتیش: ئی تاوانە کە سەرکردە و خەباتکارەیل گەل ئیمە کردە ئامانج وەگەرد مەدەنیەیل بیگومان لە هویرا نیەچوود، و هەر شایەتیگ لەبان وەحشیانەی تیرۆر و تەقەلایلی ئەرا شکانن ئیرادەی گەلمان مینێد.
سەرۆک هەرێم دووپاتیش کرد کە بایەسە ئی ساڵیادە بوودە دەرفەتیگ ئەرا نووڕستن وەو قوربانیەیل گەورە کە خەڵک کوردستان پیشکەشی کردن، و دووپاتکردن لەبان گرنگی شانوەشانی ئەرا مقیەتیکردن دەسکەفتەیل نیشتمانی.
وتیش: وەهازترین وەڵامدان لەبان تیرۆر خوەی گردن یەکێتیمانە و قایمکردن هەس برایەتی و هاوکاری، و دووپات کرد کە وەی شیوە توانیمن مافەیل خوەمان مقیەتی بکەیمن، و نووڕینەیلمان وەدەس باریمن.
لە کۆتایی بەیاننامەگە، سەرۆک هەرێم کوردستان دووپات کرد کە وەفاداری راسگانی ئەرا شەهیدەیل لە پابەندبوین وە بنەمایل ئازادی و دادپەروەرانەس، و کارکردن هاوبەش ئەرا بانانیگ ئارامتر و ئاسایش فرەتر ئەرا کوردستان.
کوردستان لە یەک شوبات هەر ساڵیگ، ساڵیاد رویداو یەک شوبات کەێد، کە لە یەکەم رووژ جەژن قوربان رویدا، هەناێ تیرۆریستەیلیگ لە ساڵ 2004 دوو تەقینەوە لە هەولێر کردن لە بارەگای پارت دیموکرات کوردستان و یەکێتی نیشتمانی کوردستان.
رویداوەگە بویە هوکار کوشیان زیاتر لە 100 وەرپرس و هاوڵاتی مەدەنی، و زەخمداری نزیکەی 250 کەس ترەک.