نێچیروان بارزانی گەشبینە وە پەیاکردن "نەخشە رییگ" ئەرا چارەکردن گیچەڵەیل گیرهاتگ ناوەین هەولێر و بەغدا
شەفەق نيوز/ نێچیروان بارزانی سەرۆک هەرێم کوردستان، ئمڕوو یەکشەممە، باس گەشبینی خوەی کرد لە تەقەلایەیل پەیاکردن نەخشە رییگ ئەرا چارەکردن گیچەڵەیل گیرهاتگ ناوەین هەولێر و بەغدا.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی پیشوازی لە مەحمود مەشهەدانی سەرۆک پەرلەمان عراق و شاند یاوەری کرد، و لە دیدارەگە باس پەیوەندییەیل ناوەین هەولێر و بەغدا کریا، و تەقەلایەیل و گفتوگۆ ئەرا چارەکردن گیچەڵەیل گیرهاتگ وەڕی لەیەکفامستن و لە بنەمای دەستوور و رێککەفتنەیل، هەمیش باس رەوشەیل گشتی لە عراق کریا.
هەردوگ لایەن دووپات لە گرنگی رەسین وە چارەسەریەیلیگ گونجیاگ کردن ئەرا باوەت مووچەی فەرمانبەرەیل هەرێم کوردستان، وەتایبەت لەی قۆناغ ناسکە، و باس ئومید خوەیان کردن وە تەقەلایەیل پەیاکردن نەخشە رییگ ئەرا چارەسەرکردن، و دووپات لە چارەکردن باوەتەیل گیرهانگ وەرد هەرێم کەفێدە بەرژەوەنی گشت عراق.
لەلای خوەییش، مەشهەدانی سوپاس لە رۆڵ سەرۆک نێچیروان بارزانی کرد لە تەقەلایەیل وەردەوامی لەڕی لەیەکفامسنن و نزیکەوکردن لایەنەیل، و تەقەلای پەیاکردن هەماهەنگیەیلیگ وەرەو چارەسەری.
لەلای خوەییش، نێچیروان بارزانی سوپاس و رێزی ئەرا مەشهەدانی پیشکەش کرد و ئەرا گرنگیدانی و تەقەلایلی ئەرا چارەکردن، دووپاتیش لە گرنگی وەردەوامی ئی تەقەلایلە کرد ئەرا رەسین وە چارەسەریەیلیگ ریشەیی.
لە دیدارەگە، هەمیش باس هەڵوژاردن هاتگ لە عراق کریا.
