نێچیروان بارزانی سوپاس بەریتانيا ئەرا پەنای ئارام کەێد

Category: هــــه‌واڵ كــوردى

Date: 2021-06-09T11:50:34+0000
نێچیروان بارزانی سوپاس بەریتانيا ئەرا پەنای ئارام کەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، باس لە سوپاس خوەی کرد ئەرا ئەو دەور سەرەکیە ک بەریتانيا لە دەرکردن بڕیار ئاسایش ناودەوڵەتی ئەنجامدا لە دروسکردن پەنای ئارام لە سنوور هەرێم کوردستان لە سەرەتای نەوەتەیل سەدەی گوزەیشتە، و هووشداری لە زەرەدەیل ئی هشکەساڵیە ک هەرێم کوردستان و عراق کەفێدە وەری، و هەمیش پابەندی هەرێم کوردستان وە بڕیارەیل ناودەوڵەتی لە ژینگەپارێزی لە ئاڵشتبوین کەشوهەوا دووپات کرد.

سەرۆک بارزانی لە کۆنگرەیگ رۆژنامەوانی وەگەرد دومینیک رای وەزیری دەرەوەی بەریتانيا لە شار هەولێر و ئاژانس شەفەق نیوز ئامادەی بوی وت: چەن باوەتیگ وەگەرد وەزیرەگە باس کردیمن لەلیان گەشەکردن پەیوەندیە دووانیەکان، و ناکۆکیەیل و باوەتەیل گیرهاتگ لەناوبەین هەولێر و بەغداد و تەقەلایل چارەکردنیان، و جەنگ دژوە ریخریاگ داعش و مەترسیەیل گلەوخواردنی، و رەوشەیل ناوچەگە وەگشتی و هەمیش باوەتەیلیگ تر.

وتیش؛ بەریتانیا وەگەرد دەوڵەتەیلیگ تر خاوەن دەور سەرەکی بوین لە دروسکردن پەنای ئارام لە ساڵ ١٩٩١، و دووپات کرد ک بیناکردن ئی پەنا کام نوویگ بوی ئەرا هەرێم کوردستان، و لەو وەختەو تا ئیسە پەیوەندیەیلمان وەگەرد بەریتانیا لە گشت چینەیل وەردەوام بوی، و لە جەنگەی دژوە ریخریاگ داعش زیاتر گەشە کردن

سەرۆک بارزانی هەمیش وت: هەرێم کوردستان و عراق وەگشتی وەدەرکەفتن ڤایڕۆس کۆڕۆنا کاریگەر بوی، ک زەرەدەیلیگ ئابووری گەورەیگ دا، و دووپات کرد م ئەرا خاسەوکردن ئابووری ئەرا قۆناغ دویای کۆڕۆنا ئیمە هاوکاری و پشتگردن گشتی خوازیمن.

وتیش؛ ئیسە زیان لە هشکەساڵی و کاریگەریەیل خراو لە جەنگ داعش وەخوەمان دوینیمن، و جەخت کرد ک هەرێم کوردستان پابەندە وە بڕیارە ناودەوڵەتیەیل ک پەیوەندی وە بڕیارە ناودەوڵەتیەیل و ژینگەپارێزی دیرن.

لەلای خوەییش وەزیر دەرەوەی بەریتانا وت: سەردانەگەم ئەرا عراق و هەرێم کوردستان لە چوارچێوەی گرنگی پەیوەندیەیەیل دووانی تیەێد، وتیش؛ ئیمە برادەر گەل کوردیمن، و مەزەنە کەم ک پەیوەندیەیلیگ مێژووی دیریمن و چەن سەختییگ کەفتە نوامان.

هەمیش وت: مەزەنە کەم ک هەرێم کوردستان توانای نواگردن مەترسیەیل ریخریاگ داعش دیرێد.

وەزیرە بەریتانیەگە وتیش؛ باس لە ئاسایش و ئارامی عراق و هەرێم کوردستان کردیمن، و ئەوەسا بەریتانيا لە پابەندیی و پەیمانەیلی وەرانوەر عراق وەردەوام بوود.

وەزیرەگە باس تەرخانکردن پویل ئەرا پاڵپشتیکردن هێزەیل پێشمەرگە ئاشکرا کرد.

وتیش؛ وەگەرد سەرۆک بارزانی باس لە دەور راگەیانن ئازاد و ئازادی را کردیمن، و هەمیش باس لە باوەتەیل پەروەردە و ئاڵشتبوین کەشوهەوا کریا .وەزیرە بەریتانیەگە مکیس سەرۆک هەرێم کوردستان  ئەرا سەردان  لەندەن پایتەخت کرد، وتیش؛ ئومیدخوازیمن وەی نزیکە لەورا چەومان وەپی بکەفێد.

related

نێچيروان بارزانى مه‌ندنه‌وه‌ى هيزه‌يل هاوپه‌يمان له‌ عراق وه‌ خواست زانێد

Date: 2020-01-27 19:12:50
نێچيروان بارزانى مه‌ندنه‌وه‌ى هيزه‌يل هاوپه‌يمان له‌ عراق وه‌ خواست زانێد

تەندروسی هەرێم کوردستان نرخەیل خزمەتگوزاریە بزشکیەگان لە کەرت تایبەت رێک خەێد

Date: 2021-01-21 08:22:42
تەندروسی هەرێم کوردستان نرخەیل خزمەتگوزاریە بزشکیەگان لە کەرت تایبەت رێک خەێد

حکومەت هەرێم کوردستان: پەلامارەگەی پەکەکە دەسدریژیە لەبان خاک عراق

Date: 2021-06-06 11:26:25
حکومەت هەرێم کوردستان: پەلامارەگەی پەکەکە دەسدریژیە لەبان خاک عراق

سەرۆک هەرێم کوردستان سەرەخوەشی لە فەڕەنسیەگان کەێد و باس رووداوەگە وە تیرۆر کەێد

Date: 2020-10-30 10:11:27
سەرۆک هەرێم کوردستان سەرەخوەشی لە فەڕەنسیەگان کەێد و باس رووداوەگە وە تیرۆر کەێد

نێچیروان بارزانی ئاشکرای تەقەلایلیگ ئەرا هاوپەیمانی لەناونی حزبە کوردەیل لەدویای هەڵبژاردنگە کەێد

Date: 2021-05-04 09:39:02
نێچیروان بارزانی ئاشکرای تەقەلایلیگ ئەرا هاوپەیمانی لەناونی حزبە کوردەیل لەدویای هەڵبژاردنگە کەێد

هەرێم کوردستان ٣٧٧ تووشهاتن و ٣٢٦ خاسەوبوین کۆڕۆنا تۆمارکەێد

Date: 2020-12-06 13:37:22
هەرێم کوردستان ٣٧٧ تووشهاتن و ٣٢٦ خاسەوبوین کۆڕۆنا تۆمارکەێد

کۆتایی هاوردن وە یەکەمین دانیشتنە پاییزیەگان ئەرا پەرلەمان هەرێم کوردستان دویای مرافەیگ وەقسە

Date: 2020-09-02 12:33:12
کۆتایی هاوردن وە یەکەمین دانیشتنە پاییزیەگان ئەرا پەرلەمان هەرێم کوردستان دویای مرافەیگ وەقسە

يه‌كێتى ئۆرپا قسه‌ له‌باره‌ى هه‌ڵوژاردن نێچيروان بارزانى كرد

Date: 2019-05-28 20:54:10
يه‌كێتى ئۆرپا قسه‌ له‌باره‌ى هه‌ڵوژاردن نێچيروان بارزانى كرد