نێچیروان بارزانی داوای مقیەتیکردن پێکهاتەی هەرێم کوردستان و دەسکەفتنەیلی کەێد

Category: هــــه‌واڵ كــوردى

Date: 2021-09-11T13:50:13+0000
نێچیروان بارزانی داوای مقیەتیکردن پێکهاتەی هەرێم کوردستان و دەسکەفتنەیلی کەێد

شەفەق نيوز/ نێچیروان بارزانی سەرۆک هەرێم کوردستان،  ئمڕوو شەممە،  داوای بتەوکردن فیدراڵیەت و مقیەتیکردن پێکهاتەی هەرێم و دەسکەفتەیلی کرد.

ئەوەیش لە بەیاننامەیگ ئمڕوو وەبۆنی رەدبۊن شەس ساڵ وەبان شۆڕش ئەیلوول.

سەرۆک بارزانی لە بەیاننامەگە وت: لە شەسەم ساڵیاد شۆڕش پیرووز ئەیلوول، وە رێز و ئەرزشی سڵاو لە ساڵیاد سەکردەی شۆڕش بارزانی نەمر وهاوڕیەیلی و گشت شەهیدەی شۆڕشەگە و کوردستان کەیمن، سڵاو و ڕێز ئەرا گیان پاکیان و وەگشت رێزیگ سەر ئەرایان چەمنیمن.

وتیش؛ شۆڕش ئەیلوول تۊیەم و داڵگ شۆڕشەیل کوردستانە، ک لە یەکیگ لە سەختترین سەردەمەیل مێژوو گشت چین پێکهاتەیل کوردستان لە سای سەرکردایەتی بڕواداریش وە یەک خوازین خڕەو کرد، و کەفتە وەر گشتی وەیەکەو وەخاتر یەک ئامانج، ک خوەی وسیانە لە نوای ستەم و ستەمکاری، وە داوای ئازادی و مافەیلیان.

سەرۆک هەرێم وتیش: شۆڕش ئەیلوول لە توانای پووڵاییگ لەلای گەل کوردستان پەیا بۆی، و ئەرای نییە بڕمیەێد، ئەراوە دویای گردەوبۊن کۆمەڵگای ناودەڵەتی لەبان شۆڕشەگە، ماوەی فرەیگ وەپی نەچێ تا گەل کوردستان دووارە رزەیل خوەی ڕێک کرد، و ئەرا مەیدانەیل خەبات و نواگردن گشت هێزەیلەو چەکەیلە و ستەم و توندوتیژی ڕژیم عراق لەو مەوقە گلەو خوارد.

وتیش: شۆڕش پیرووز ئەیلوول و دەنگ و کارگەریەیلی لە ئاست ناوچەگە و جیهان بۊیە بنەمای رێککەفتن ١١ی ئادار، و لەبانی دەسکەفتەیل و گەشەیل دۊیایی گەل کوردستان بینا کریا.

سەرۆک بارزانی هەمیش وت: دەسکەفتە گەورەگە  شانازی و ناسنامەی نیشتمانی و توانا و هەست نواگردنە ک گەل کوردستان رەسانە ئی رووژمانە.

بارزانی لە کۆتایی قسەیلی وت؛ با شۆڕش ئەیلوول ک شۆڕش گشت گەل کوردستان بۊی، با بکەیمنەی تۊیەم و بنەڕەت یەکڕزی و پێکەوەژیان ناونی گشت پێکهاتەیل کوردستان،  و با گشتمان وەیەکەو ئەو گامەیلە بنەیمن، و وە خود هەس شۆڕشەگە وەخاتر دۊارووژیگ خاستر و بتەوکردن فیدراڵیەت و مقیەتیکردن پێکهاتەی هەرێم کوردستان و دەسکەفتنەیلی کار بکەیمن.

 

related

شاند حزب گەل تورکی رەسێدە دیدار نێچیروان بارزانی

Date: 2021-09-06 11:32:50
شاند حزب  گەل تورکی رەسێدە دیدار نێچیروان بارزانی

گۆتيريش پيرۆزبايى له‌ نێچيروان بارزانى ئه‌كا: داناييدان نرخدار ئه‌دێ له‌ چاره‌سه‌ر گرفته‌يل

Date: 2019-06-13 19:47:55
گۆتيريش پيرۆزبايى له‌ نێچيروان بارزانى ئه‌كا: داناييدان نرخدار ئه‌دێ له‌ چاره‌سه‌ر گرفته‌يل

نێچيروان بارزانى: ئه‌نفال يه‌كيگ له‌ مه‌ترسيدارترين و دڕه‌نده‌ترين تاوانه‌يل مێژووه‌

Date: 2020-04-14 10:54:34
نێچيروان بارزانى: ئه‌نفال يه‌كيگ له‌ مه‌ترسيدارترين و دڕه‌نده‌ترين تاوانه‌يل مێژووه‌

نێچیروان بارزانی نووڕێدە گەشەکردن رۆژنامەوانی عراق دویر لە رخبردن و هەڕەشە

Date: 2021-06-15 15:08:46
نێچیروان بارزانی نووڕێدە گەشەکردن رۆژنامەوانی عراق دویر لە رخبردن و هەڕەشە

نێچيروان بارزانى: له‌ به‌غدا جه‌خت له‌ دو مه‌سه‌له‌ كردم

Date: 2019-06-30 10:32:10
نێچيروان بارزانى: له‌ به‌غدا جه‌خت له‌ دو مه‌سه‌له‌ كردم

وێنە.. سەرۆک هەرێم کوردستان وەگەرد نوێنەر یەکێتی ئەوروپا گردەو بوود

Date: 2021-09-07 12:28:57
وێنە.. سەرۆک هەرێم کوردستان وەگەرد نوێنەر یەکێتی ئەوروپا گردەو بوود

نێچيروان بارزانى پيرۆزبايى سه‌رساڵ ئێزيدى ئه‌كاو قه‌وڵ سێ چشت دا

Date: 2020-04-14 20:31:22
نێچيروان بارزانى پيرۆزبايى سه‌رساڵ ئێزيدى ئه‌كاو قه‌وڵ سێ چشت دا

سەرۆک هەرێم کوردستان سەردان ئوردن کەێد

Date: 2021-06-22 11:44:33
سەرۆک هەرێم کوردستان سەردان ئوردن کەێد