نێچیروان بارزانی داوای لەیەکڕەسینەوەی نوویگ لە هێزە سیاسیەیلە کەێد

Category: هــــه‌واڵ كــوردى

Date: 2021-10-12T13:39:52+0000
نێچیروان بارزانی داوای لەیەکڕەسینەوەی نوویگ لە هێزە سیاسیەیلە کەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، پیرووزبایی لە سەرکەفتن هەڵوژاردنەگە کرد. 

بارزانی لە پەیام پیرووزباییەگە وت: پیرووزبایی  وەبۆنەی سەرکەفتن هەڵبژاردن پەرلەمانی لە گشتی کەم. عراق و هەرێم کوردستان کەفتنە قۆناغ نوویگ،  و هەرجۊریگ ئەنجامەیلە یەکلاوە بکەیەن هەر گشتی سەرکەفتنە، و بایەتە وەیەکەو ئەرا ئەرک و وەرپرسایەتیەل هاوبەش ئامادە بۊیمن، وەتایبەت لە قۆناغ هاتگ. 

وتیش: یەکڕزی،  و پشتگردن کلیلەیل سەرکەفتنە و ئەوەسە ک مافەیل دەستووری هەرێم کوردستان جیوەجی کەێد و مقەیەتی دەسکەت و سیستەم فیدراڵی و پێکاتەی سیاسیی کەێد، وتیش: ئەرک گشت هێز ولایەنەیل کوردستانیە کبوەپشتگردن و یەک رز ئەرا ئیسە و ئایندەگ خاستر ئەرا هەرێم کوردستان و عراق کار بۆەن، و هاوکاری ئەرا وەدەسهاوردن ئەوە وەرد هێز و لایەنە عراقیەیلە بکەیمن.

سەرۆک هەرێم کوردستان وتیش: ئەرک گشتمانە لە هێز و لایەنە سیاسییەیل عراقی ک گرفتەیل وڵاتەگە لەبنەمای دەستوور و نووڕستن و خوەنین خاسیگ چارەسەر بکەیمن، و سوود لە هەڵە و ئەزموونەیل جارانی بگریمن، و کار ئەرا عراقیگ ئارام و خوەشگوزرەان بکەیمن، ک مافەیل دەستوور ئەرا گشت پێکاتەیلە مسۆگەر و مقیەتیکریاگ بوود، و گشتی وە بڕوایی، پشتگردن،  چارەنووس هاوبەش،  هاوکاری هاوبەش،  بەرژەوەنی گشتی، و هاوسەنگی گردەو بوود، 

هەمیش وت: سوپا سوپاس هاووڵاتیەیلە، گشت هێز ولایەنە سیاسیەیلە،  دامەزراوەیل ئیداری و ئەمنی،  راگەیانن و کۆمەڵگای مەدەنی ک هاوکار بۊین لە سەرکەفتن هەڵوژاردنەگە،  سوپاس و پیرۆزبایی لە رەنجەیل کۆمسیۆن باڵای سەروەخوەی هەڵبژاردن لە عراق کەم، و چەودێرە ناوخۆیی و بیگانەیلە و تیمەیل نەتەوە یەکگرتگەیل وەتایبەت سەرۆک و تیم یونامی لە عراق، و یەکێتی ئەوروپا و جامیعەی عەرەوی ک چەودیریکردن دەنگدانەگە کردن ک وە ئارامی وەڕیەو چگ، یە گام گرنگیگە لەبان ریە راسەگە. بەشداریکردنمان کە پەسەنکردن نۆێنەرەیلمان لە بەغداد،  بەڵگەیگە لەبان پابەندیمان وە بنەمایل دیموکراتی.  

لەلاییگ تر، بارزانی وت: رێژەی بەشداریکردن هاووڵاتییەلە لە دەنگدانەگە پەیام ئاشکرایگە لەو هاووڵاتییەلە ک نووڕنە ژیان و خوەشگوزرەانی و خزمەتگوزاری زیاتر، ک خوەی ماف خوەیانە، بایەتە یە بوود عبرەتیگ ئەرا گشتمان لە حکومەت و هێزە سیاسیەیلەی عراق و هەرێم کوردستان خ تا دووارە نووڕستن راسییگ بکەیمنخ و دووارە بینای بڕواییەگە بکەیمنخ و هەمیش بایەتە بوودە هاندەریگ ئەرا کار زیاتر و خزمەتگوزاری زیاتر.  

سەرۆک هەرێم کوردستان وتیش: ئیسە ئەو وەختە هات تا وەیەکەو کار ئەرا دروسکردن حکومەتیگ نیشتمانی فیدراڵی بکەیمن ک جۊر ئاوێنەی داواکاری و ل خوازین هاووڵاتی بوود، دەستوور جیوەجی بکەیمن، پاڵپشتی دامەزراوەیل دەوڵەت بکەیمن تا لەبان باڵ و هێزە چەکدارەیلە لە دەیشت یاسا زاڵ بوود، و شیوە سیاسیەگە لە بنەمای دەستوور و هاوبەشی لەناونی گشت پێکاتەیل عراق راسەو بکەیمن، تا وڵاتەگە وە دۊیارووژیگ خاستر ئەرا گشتی وەڕیەو بوەێد.              

related

نێچیروان بارزانی ئاشکرای تەقەلایلیگ ئەرا هاوپەیمانی لەناونی حزبە کوردەیل لەدویای هەڵبژاردنگە کەێد

Date: 2021-05-04 09:39:02
نێچیروان بارزانی ئاشکرای تەقەلایلیگ ئەرا هاوپەیمانی لەناونی حزبە کوردەیل لەدویای هەڵبژاردنگە کەێد

نێچیرڤان بارزانی: حزبەیل عراق دۊیای خۆپیشاندان تەشرین دی دژایەتی کوردستان نێکەن

Date: 2021-10-06 12:37:17
نێچیرڤان بارزانی: حزبەیل عراق دۊیای خۆپیشاندان تەشرین دی دژایەتی کوردستان نێکەن

شاند حزب گەل تورکی رەسێدە دیدار نێچیروان بارزانی

Date: 2021-09-06 11:32:50
شاند حزب  گەل تورکی رەسێدە دیدار نێچیروان بارزانی

نێچيروان بارزانى ئاشكراى پشتگيرى ته‌واويگ له‌ ژنه‌يل و يه‌كسانييان كرد له‌ هه‌رێم

Date: 2019-11-25 18:58:30
نێچيروان بارزانى ئاشكراى پشتگيرى ته‌واويگ له‌ ژنه‌يل و يه‌كسانييان كرد له‌ هه‌رێم

سەرۆک هەرێم کوردستان بریارەیل نوویگ دەربارەی پێشمەرگە راگەینێد

Date: 2021-05-03 13:01:29
سەرۆک هەرێم کوردستان بریارەیل نوویگ دەربارەی پێشمەرگە راگەینێد

شازادەی قەتەر وەگەرد سەرۆک هەرێم کوردستان گردەو بوود

Date: 2021-10-17 10:08:38
شازادەی قەتەر وەگەرد سەرۆک هەرێم کوردستان گردەو بوود

نێچيروان بارزانى ده‌خاڵه‌ت له‌ كيشه‌ى نه‌جمه‌دين كه‌ريم ئه‌كا.. پارتى: وه‌رگرى له‌لى ئه‌ركمانه‌

Date: 2019-05-23 10:18:28
نێچيروان بارزانى ده‌خاڵه‌ت له‌ كيشه‌ى نه‌جمه‌دين كه‌ريم ئه‌كا.. پارتى: وه‌رگرى له‌لى ئه‌ركمانه‌

نێچیروان بارزانی باس پاڵپشتی دەرەکی گەورایگ ئەرا چارەسەری ناکۆکیەیل هەولێر و بەغداد کەێد

Date: 2021-05-19 15:11:26
نێچیروان بارزانی باس پاڵپشتی دەرەکی گەورایگ ئەرا چارەسەری ناکۆکیەیل هەولێر و بەغداد کەێد