نێچیروان بارزانی داوا لە بەغداد کەێد وەگورەی دەستوور رەفتار وەرد پیشمەرگە بکەێد

نێچیروان بارزانی داوا لە بەغداد کەێد وەگورەی دەستوور رەفتار وەرد پیشمەرگە بکەێد
2025-02-04T12:37:35+00:00

شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، دووارە داوا لە حکومەت فیدراڵی کرد جویر بەشیگ لە سیستم وەرگری عراق وەگەرد پیشمەرگە رەفتار بکەێد، لە وەختیگ داوا لە دوو حزب سەرەکی لە هەرێم کوردستان، پارتی و یەکێتی کرد لە یەکخستن ئی هیزەیلە هاوکار بوون، و لە دەسوەردان حزبی دویرەو بخەن.

    

ئەوەیش لە وتاریگ لەناو ئاهەنگ دەسکردن وە ئەرکەیل فیرقەی پیادەی سێیەم و چوارەم لە هیزەیل پیشمەرگە هات، کە رسوومەیلی لە وەزارەت کاروبار پیشمەرگە لە هەولێر پایتەخت وەڕیەو چگن.

 

سەرۆک نێچیروان بارزانی لە وتارەگەی وت: ئی دوو فریقە دویای دەرچگن فەرمان لە ئیمە لە مانگ تشرین یەکەم گوزەشتە دروس کریان، و ئیمە وەی گامە خوەشاڵیمن کە کەفێدە ناو کاروبار چاکسازی، و بەرنامەی یەکخستن هیزەیل پیشمەرگە لە ژیر چەتر وەزارەت پیشمەرگە.

    

وتیش: دەسکردن ئی دوو فریقە وە ئەرکەیلیان ئەوەسا گامەیل نوویگ نشان دەێد، و گرنگی ئەو ریڕەوی وەردەوامە لە چەن ساڵیگ، و ئی دەسکەفتە نەک تەنیا دەسکەفتیگ رێکخستن و کاراس، بەڵکم بەڵگەس لەبان ئیرادەی چەسپیاگ ئیمە، و بەرهەم ئەو قوربانیەیل گەورە کە گەل کوردستان و پیشمەرگە لە دەیان دەیە پیشکەشیان کردنە.

   

سەرۆک هەرێم کوردستان وتیش: هیزەیل پیشمەرگە  هیزیگ یاسایی تەنیا نییە، بەڵکم سومبولیگ ئەرا فیداکاری و پاڵەوانی و مقیەتیکردن ئاسایش کوردستان بویە، و بەشیگ گرنگ لە ناسنامەی وڵاتمان، و لە یەکەمین رووژ دامەزریانی هیزەیل شووڕشگیر گەل کوردستان بویە.

 

هەمیش وت: هەناێ ریخریاگ داعش جویر هەڕەشەیگ جەهانی هاتەدێ، پیشمەرگە لە پیشەنگی ئەو هیزەیل بوی کە نواگیری ئەو رخ و هەڕەشەیلە کردن، دووپاتیش کرد کە پیشمەرگە وە ئازایی چگە ناو جەنگ سەختیگ شانوەشان هاوپەیمان ناودەوڵەتی، و ئەرا گشت جەهان ئەوە چەسپان کە هیز وەرگریکردن لە کوردستان و مقیەتیکردن وەیەکەوژیان گشت پیکاتەیلی نییە، بەڵکم قەڵغان قایمە ئەرا مقیەتیکردن مرۆڤایەتی لەی هەڕەشەی هاوبەشە، و لە کۆتایی توانست ئەفسانەی داعش بشکنێد، لە ژیر سەرکردایەتی سەرۆک مەسعوود بارزانی.

       

سەرۆک نێچیروان بارزانی وتیش: پیشمەرگە یاسا سومبول پاڵەوانی و ئازایی لە جەهان، و جی شانازی گەل کوردستان، و ئەرا گشت وڵاتەیل جەهان ناسیا جویر هیزیگ جەنگاوەر ئەرا مقیەتیکردن گشت مرۆڤایەتی.

  

وتیش: ئی گامە وە دروسکردن دوو فیرقە، ئەگەر پاڵپشتیکردن هاوپەیمان ناودەوڵەتی لەلایەن راهێنانیان سەربازی و لۆجشتی نەویاتاد وەنە وەدەس نەکەفت، وتیش: لێراوە ئیمە سوپاس رێز قویل كوردستان ئویشیمن ئەرا ئەو رۆڵە وەلایەن برادەرەیلمان لە هاوپەیمان ناودەوڵەتی وە سەرۆکایەتی ئەمریکا، ئەرا پشتگیریکردنی ئەرامان لە عراق و هەرێم کوردستان لە سەختترین وەختەیل.

 

هەمیش سوپاس لە دەوڵەتەیل هاوپەیمان ناودەوڵەتی وە سەرۆکایەتی ئەمریکا کرد ئەرا ئەو پشتگیریە کە لە چوارچیوەی چاکسازی و یەکخستن هیزەیل پیشمەرگە پیشکەش کەن، تا بوونە هیزەیلیگ شەفاف مقیەتی لە وەیەکەوژیان ئاشتیانەی هاوبەش کەن لە هەرێم کوردستان.

  نێچیروان بارزانی دووپاتیش کرد کە ئامانج گەورەمان دروسکردن هیزەیل نیشتمانی هاوبەشە، و لە گەشە و پیشکەفتن زیاترەو بوود، ئەرا مقیەتی نیشتمان وەرگریکردن لەلی لەڕوی هەر رخدارییگ و هەڕەشەیگ، و هەمیشە لە ئامادەباشی بوود ئەرا مقیەتیکردن ئاسایش و ئارامی هەرێم کوردستان، وە سەرکردایەتی وەزارەت کاروبار پیشمەرگە، یەیش ئیرادەی ئیمە خوازێد، و کارکردن هاوبەش، دویر لە هەر ناکۆکییگ یا ململانيیگ ریگری لەی پڕۆسەی نیشتمانیە بکەێد.

     

دووپات کرد کە بایەسە پیشمەرگە هیز نیشتمانی بوود، دویر لە دەسوەردان حزبی لە کارەیلی، و تەنیا تەنیا ئەرا کوردستان بوود، و داوا لە دوو حزب سەرەکی لە کوردستان کرد، هاوکار بوون لە چاکسازیی و رێکخستن و یەکخستن هیزەیل پیشمەرگە، کە سەرکەفتن ئی پڕۆسە ئەرکیگ نیشتمانیە، کەفێدە گەردن گشتمان، و بایەسە هەر گیچەڵیگ لەی چینە چارەسەر بکریەێد، تا پیشمەرگە بوودە هیز نیشتمانی لەژیر چەتر وەزارەت پیشمەرگە، تا یەک سەرکردایەتی و کۆنترۆڵ و مەرکەزیەت داشتوود. 

     

سەرۆک نێچیروان بارزانی پەیمان دا وە چگن لە کار چاکسازی و رێکخستن هیزەیل پیشمەرگە، و بوودە هیزیگ نیشتمانی، تا بوودە هیز و قەڵغان قایمیگ ئەرا کوردستان لەڕوی هەر هەڕەشە و رخدارییگ.

 دووپاتیش لەبان گرنگی هەماهەنگی و هاوکاری ناوەین هیزەیل پیشمەرگە و سوپای عراق کرد، و داوا لە حکومەت فیدراڵی کرد لە چوارچیوەی دەستوور و یاسا وەگەرد پیشمەرگە رەفتار بکەێد، و ئەرکەیل خوەی وەرانوەر پیشمەرگە جیوەجی بکەێد جویر بەشیگ لە سیستم وەرگری عراق.

 

لە کۆتایی وتارەگەی، سەرۆک نێچیروان بارزانی داوا لە لایەنەیل سیاسی لە هەرێم کوردستان کرد، زوی بکەن لە رێککەفتن لەبان دروسکردن حکومەت نوو، و دڵخوەشکردن گەل کوردستان، و بایەسە حکومەتیگ بوود نووڕینەیل هاوڵاتیەیل بارێدە کە جی.

 

Shafaq Live
Shafaq Live