نێچیروان بارزانی: خوازم وەردەوام وەرد بن زاید کار بکەم ئەرا پاڵپشتیکردن ئاشتی لە ناوچەگە

شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، باس خوازین وەردەوامی کارکردن وەرد محمد بن زاید ئال نهەیان کرد ئەرا پاڵپشتیکردن ئاشتی و ئارامی لە ناوچەگە.

بارزانی لە تویتیگ لەبان پلاتفۆرم ئێکس نویسان: وە سەرکردایەتی شێخ محمد بن زاید ئال نهەیان، دەوڵەت ئیمارات بویە نشانەیگ ئەرا ئومید و گەشەکردن ئەرا ملیۆنا کەس لە جەهان.

 وتیش: خوازم لە کارکردن وەیەکەو وەردەوام بویمن ئەرا پاڵپشتیکردن ئاشتی و ئارامی لە ناوچەگە، و قایمکردن پەیوەندییەیل دووانیمان وەشیوەیگ گەورەتر.