نێچیروان بارزانی ئاشکرای تەقەلایلیگ ئەرا هاوپەیمانی لەناونی حزبە کوردەیل لەدویای هەڵبژاردنگە کەێد

Category: هــــه‌واڵ كــوردى

Date: 2021-05-04T09:39:02+0000
نێچیروان بارزانی ئاشکرای تەقەلایلیگ ئەرا هاوپەیمانی لەناونی حزبە کوردەیل لەدویای هەڵبژاردنگە کەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، راگەیان ئەوەسا سەرۆکایەتی گشت رەنج و تەقەلایلی ئەرا ئەنجامدان یەکڕزی لەناونی حزب وهێزە سیاسیە کوردستانیەکان دەێد، لەدویای هەڵبژاردن پەرلەمانی عراق ک تەگبیرە لە مانگ تەشرین یەکەم ئایندە ئەنجام بیریەێد.

سەرۆک بارزانی لە وتاریگ ئەرا رووژنامەنووسەیل و پەیامنێر ئاژانس شەفەق نیوز لەناویان بوی، لە پشت کۆبەنوەیگ وەگەرد بزووتنەوەی گۆران لە سلێمانی وت: ئمڕوو سەردان بزووتنەوەی گۆڕان لە سلێمانی کردیمن، ودویای ئەوە ئەوەسا سەردان برایل لە یەکێتی نیشتمانی کەیمن، وهەمیش حزب سیوسیالست دیموکراتی کوردستانی، وتیش: ئیمە وەرجەیە کۆبونەوەیگ وەگەرد حزبە سیاسیە کوردستانیەکان لە سەرۆکایەتی هەریم کردیمن، ودویای ئەوە  بڕیار دایمن سەردان حزبەیل بکەیمن تا تەقەلایلیگ راسی وەگەردیان بەکەیمن وەخاتر کەمەوکردن گرفتەیل ناوخۆیی لە هەرێم، و هەمیش دەربارەی دەستوور هەرێم کوردستان وەگەردیان باس بکەێمن.

دەربارەی هەڵبژاردن پەرلەمانی لە عراق، سەرۆک هەرێم کوردستان وت: سیستەمە هەڵبژاردنیەگە لەی مەوقە ری  وەدەسکردن هاوپەیمانەیی نیەێد.

وتیش: وەلی بیگومان دویای هەڵبژاردنەگە گرنگە یەکڕایی  و یەک هەڵوێستی بوود، و گشت حزبەیل چوارچیوەیگ ئەرا هەماهەنگی لەناونی خوەیان پەیا بکەن، چوینکە زانریاگە ک ئیمە وەگەرد یەک توێنیمن دەسکەفتەیلمان لە بەغداد وەربگریمن، و بی گومان ئەگەر چویچیایمن هەرێم کوردستان یەکەمین زەرەدمەن بوود، و دووپات کرد ک سەرۆکایەتی هەرێم ئەوەسا گشت تەقەلایلی ئەرا ئانجامدان یەکڕزی لەناونی حزبە کوردستانیەیل لە دویای هەڵبژاردنەگە دەێد.

related

سەردانەگەی نێچیروان بارزانی ئەرا سلێمانی ئاوەیل وسیاگ جویلنێد

Date: 2021-05-04 12:54:23
سەردانەگەی نێچیروان بارزانی ئەرا سلێمانی ئاوەیل وسیاگ جویلنێد

نێچیروان بارزانی رەسێدە سلێمانی

Date: 2021-05-04 08:02:43
نێچیروان بارزانی رەسێدە سلێمانی

ملوانکەگە لەناونی حزبە کوردستانیەیل لە کەرکوک بڕیاوە: هەرکە وە تەنیا چوودە هەڵبژاردن

Date: 2021-04-29 13:07:07
ملوانکەگە لەناونی حزبە کوردستانیەیل لە کەرکوک بڕیاوە: هەرکە وە تەنیا چوودە هەڵبژاردن

رووداو دڵتەزنیگ لە تورکیا نزیکەی ٣٠ گەشتیار لە خەڵک سلێمانی زەخمدار کەێد

Date: 2020-11-11 11:30:39
رووداو دڵتەزنیگ لە تورکیا نزیکەی ٣٠ گەشتیار لە خەڵک سلێمانی زەخمدار کەێد

سلێمانی لێدوان دەێد لەبان هاوردنەوەی قەیەغەی هاتووچگن و کەرەنتین گشتی

Date: 2020-10-07 08:17:30
سلێمانی لێدوان دەێد لەبان هاوردنەوەی قەیەغەی هاتووچگن و کەرەنتین گشتی

ئاگر گەورایگ لە کویەی گوێژە وسلێمانی وەزوی کومەڵگەیگ دانیشتوی چووڵ کەێد

Date: 2020-09-04 09:49:37
ئاگر گەورایگ لە کویەی گوێژە وسلێمانی وەزوی کومەڵگەیگ دانیشتوی چووڵ کەێد

سلێمانی.. ژنیگ لە بینای پەنج قاتییگ خوەی خەێد

Date: 2021-05-01 12:01:05
سلێمانی.. ژنیگ لە بینای پەنج قاتییگ خوەی خەێد

مردن چوار مناڵ لە سلێمانی وە ڤایڕۆس کۆڕۆنا

Date: 2020-10-22 08:11:24
مردن چوار مناڵ لە سلێمانی وە ڤایڕۆس کۆڕۆنا