ناوخۆی هەرێم کوردستان رینمایل نوویگ لەباوەت کار تەکسی دەرکەێد

2023-01-25T13:20:56.000000Z

شەفەق نیوز/ وەزارەت ناوخؤ لە حکومەت هەرێم کوردستان، ئمڕوو چوارشەممە، رینمایل نوویگ لەباوەت مووڵەت کار رانندەیل ماشینەیل تەکسی راگەیان.

وەزارەتەگە لە بەیاننامەیگ رەسیە ئاژانس شەفەق نیوز وت: ئەوەسا نشانەی کرا (Taxi) دریەێدە ئەو رانندەیلە ک هانە ناوچەیل دەیشت هەرێم کوردستان و کار لە کڕ ناوبەین پارێزگایل هەرێم کەن.

وتیش: ری وەو فەرمانبەرە لە کەرت گشتی دریەێد ئەگەر مووچەگەی لە یەک مەلیۆن دینار مانگانە کەمترە، کار رانندگی تەکسی بکەێد، وە مەرجیگ ساڵانە مووڵەتەگەی نووەو بکەێد، و پشتگیری لەو دامودەزگا بارێد ک لەناوی کار کەێد.

وەزارەتەگە دەرفەت تا ١٥ی تەمووز داگە رانندەیل تەکسی تا نشانەی تەکسی وەربگرن، و ئەگەر لەوە دیر کەفتن دەس نریەێدە بان هەر ماشینیگ وەبی ئەو نشانە تەکسی کار بکەێد.

Shafaq Live
Shafaq Live