مۆسیقاییە عەرەوەگان خەڵات هونەرمەن کورد ئەنوەر قەرەداغی کەن

Category: هــــه‌واڵ كــوردى

Date: 2021-02-18T14:35:43+0000
مۆسیقاییە عەرەوەگان خەڵات هونەرمەن کورد ئەنوەر قەرەداغی کەن

شەفەق نیوز/ هونەرمەن و مۆسیقار کورد، ئەنوەر قەرەداغی، لە جهان ئاواز و گورانیەگان، خاوەن ئەنجامەیل فرەیگە، ک هیشتەی بوودە ناوداریگ لە مۆسیقای کوردی.

مۆسیقاییەیلیگ عەرەو، پەسن کردن خەڵات رێزلێنان قەرەداغی بکەن، ئەرا مێژوو دریژەی لە هونەر و بەشداریە ناسریاگەیلی لە گەشەپێدان مۆسیقای کوردی و عراقی.

ئەراوە، یەکێتی ناودەوڵەتی مۆسیقاییە عەرەوەگان ئاهەنگیگ ڕێزلێنان لە شار سلێمانی لە هەرێم کوردستان رێک خست، و پارێزگار سلێمانی و سەرۆک هونەرمەنەیل هەرێم کوردستان، و سەرۆک یەکێتی ناودەوڵەتی مۆسیقاییە عەرەوەگان و بڕیگ لە هونەرمەن وسیاسی و رووشنهویرەگان ئامادەی بوین.

یەکێتی ناودەوڵەتی قەڵغانیگ و بڕوانامەیگ ڕێزلێنان ئەرا مۆسیقارە کوردەگە پێشکەش کرد.

هونەرمەن ئەنوەر قەرەداغی، خاوەن شوونپەنجەیلیگە لە خزمەت هونەر و مۆسیقای کوردی، ک نێسڕیەنەو، و خوەی لە دامەزرێنەیل پەیمانگەی هونەرە جوانەگانە لە سلێمانی، وتیم مۆسیقای سلێمانی و ژمارەیگ لە تیمەگان، جوور تیم شۆڕش ک ئاوازەگانی ئەرا شۆڕش کورد لە کویەیل کوردستان لە مەوقەی شۆڕشەیل ١٩٦١ و ١٩٧٦ بوی.

و خوەی ئاواز سروود مەشخڵان دانا، ک شێرکۆ بێکەس شاعر گەورای کورد نووسادەی.

سەدان لە خوەنەوارەیل لە شار سلێمانی لەبان دەسی هووکارەی هونەری بوین، ک خوەی مامووستای هونەری مۆسیقایی بوی .

ئەنوەر قەرەداغی ئاواز فرەی کورانیەیل هونەرمەنەیل کوردستان دانا، و مۆسیقای فرە لە کارە دڕامایی و سینەمایی و شانۆەیل کوردی دانا.

related