مەزەنەکرێد لەماوەی روژەیل جەژن زیاتر لە 300 هەزار گەشتیار رویبکەنە هەرێم کوردستان (وینە)
شەفەق نیوز/ دەسەی گەشتیاری هەرێم کوردستان مەزەنەکەێد شمارەی گەشتیارەیل کە لەماوەی رووژەیل پشوو جەژن روی لە هەرێم کورستان کەن 300 هەزار گەشتیار رەدکەێد، یەیش وە مدوو درویژی وەخت هچان و خاسی کەشوهەوا بەراورد وە ناوچەیل ترەک لە عراق.
ئیبراهیم عەبدولمەجید قسەکەر دەسەی گەشتوگوزار لە هەرێم کوردستان وە ئاژانس شەفەق نیوز وت؛ "مەزەنەکرێ شمارەی گەشتیارەیل لەهەرێم کوردستان لە ماوەی رووژ جەژن کە دوو رووژ وەرجە جەژن دەسوەپیکرد و تا کۆتایی هەفتە وەردەوامی دیرێد، 300 هەزار گەشتیار رەدبکەێد بەزاورد وە جەژن رەمەزان کە 200 هەزار گەشتیا سەدان هەرێم کردن.
وتیش "بەرزەوبوین پلەی گەرمی لە ناوڕاس و باشوورعراق، بەراورد وە کەشە مامناوەندەگەی ناوچەیل گەشتیاری کوردستان بەشدارە لە بەرزەوکردن رێژەگە وەشیوەی ئاشکرایگ، وەرد درویژی هچانەگە دەرفەت زیاتریگ وەخشی وە گەشتیارەیل".
پەیامنێر ئاژانس شەفەق نیوز راگەیان، پارێزگای سلێمانی لەماوەی سێ رووژ جەژن قوربان، جموجویل گورجیگ گەشتوگوزار وەخوەی دیە، کە هەزاران گەشتیار لە ناوچە جیاوازەیل پارێزگای عراق و وڵاتەیل هاوسا جویر ئیران و تورکیا هاتنە چێژ لە کەشوهەوایگ کویەیلە و شوینیەیل سروشتی وەرگرن.
