مزگانی ئەرا خانەنشینەیل کوردستان
شەفەق نیوز/ یەکێتی خانەنشینەیل لە هەرێم کوردستان، ئمڕوو شەممەر نزیکەوبوین خەرج مووچەیل دیرکەفتگ خانەنشینەیل لەوانەگ مووچەیلیان وەگورەی خشتەی مووچەی یەکگریاگ وەرد عراق نەگردنە.
سادق عوسمان قسەکەر یەکێتی خانەنشینەیل ئەرا ئاژانس شەفەق نیوز وت: گشت خانەنشینەیل لە هەرێم کوردستان ئەوانەگ وەگورەی خشتەی مووچە وەرد عراق مووچە نەگردنە، ئەوەسا لەی دوو مانگ ئایندە شایستەیلیان وەرگرن، لەلییان مووچەیل دیرکەفتگ چوار مانگ گوزەشتە.
دیاری کرد کە بڕیارەگە هەمیش ئەو خانەنشینەیلە گرێدەو کە وەرجە ساڵ 2014 خانەنشین بوینە و تا ئیسە مووچەی یەکگریاگ نەگردنە.
وتیش: ئی گامەیل نووە دویای بڕیاریگ تیەێد لە مانگ تەمووز ساڵ گوزەشتە دەرچگ، کە بڕیار دەێد مووچەی خانەنشینەیل لە هەرێم کوردستان وەگەرد خانەنشینەیل عراق بکەێدە یەکیگ.
هەمیش وت: شمارەی خانەنشینەیل لە هەرێم کوردستان رەسێدە نزیکەی 160 هەزار خانەنشین مەدەنی و70 هەزار خانەنشین سەربازی، وتیش: فرەی خانەنشینەیل لە شارەیل بویچگ جویر هەڵەبجە و کۆیە مووچەی مانگ تشرین دویەم وەگەرد شایستەیل چوار مانگ دیرکەفتگ وەرگردنە.
عوسمان دووپات کرد کە ریکارەیل دوو مانگ ئایندە خوازێد مسۆگەر بکەێد گشت خانەنشینەیل هەرێم کوردستان مافیان وەشیوەی یەکسانی و تەواو وەربگرن، کە وەگەرد خشتەی مووچەی یەکگریاگ ناوەین هەرێم و بەغداد بگونجێد، کە گامیگ ئەرێنییە وەرەو جیوەجیکردن یەکسانی دارایی خانەنشینەیل.
