مردن ژنیگ کورد دویای تەواوکردن رسوومەیل حەج
2025-06-08T13:51:51+00:00
شەفەق نيوز/ وەزارەت ئەوقاف و کاروبار ئایینی لە هەرێم کوردستان، ئمڕوو یەکشەممە، مردن ژنیگ دویای تەواوکردن رسوومەیل حەج راگەیان.
وەزارەتەگە لە بەیاننامەیگ وت: خانمە حاجی مەریەم عەبدولعەزیز یوسف لەداڵگبوی ساڵ 1955 خەڵک زاخۆ گیانی لەدەسدا، ئەوەیش دویای تەواوکردن رسوومەیل حەج لە شار مەککەی پیرووز.
وەزارەتەگە لە بەیاننامەگەی دووپات کرد کە ئەو خانمە حاجیە گشت رسوومەیل حەج تەواو کرد، ئمجا گیانی لەدەسدا.
