مردن مەدەنیيگ و زەخمداری دوو کەس وە رویداو هاتوچو لەبان ری کەرکوک ــ هەولێر

شەفەق نیوز ــ کەرکوک

سەرچەوەیگ لە فەرمانگەی هاتوچو کەرکوک، مڕوو شەممە، خەوەردا لە مردن مەدەنیگ و زەخمداری دوو کەس ترەک وە رویداو هاتوچو لەبان ری هەولێر، لە سنوور ناحیەی ئاڵتون کپری باکوور کەرکوک.

سەرچەوەگە وە  ئاژانس شەفەق نیوز راگەیان، روویداوەگە لە ئەنجام لەیەکەوداین دوو ماشین بویە لە جویر کیا بارهەڵگر و تویوتا بارهەڵگریگ کە هن یەکیگ لە فەرمانگەیل حکومی بوی.

دیاریکرد، لە ئەنجام رویداوەگە مەدەنیگ  لە شوین رویداوەگە مرد، و زەخمدارەیلیش ئەرا خەستەخانە کلکریان ، دەسڵاتدارەل لێکۆڵینەوە  لە چۆنیەتی رویداوەگە وازکریاس.