ماکرۆن لە کۆشک ئیلیزێه پیشوازی لە نێچیروان بارزانی کەێد.. وینە

شەفەق نيوز/ ئیمانۆئێل ماکرۆن سەرۆک فەرەنسا، ئمڕوو دووشەممە، لە کۆشک ئیلیزێه لە پاریس پایتەخت، پیشوازی لە نێچیروان بارزانی سەرۆک هەرێم کوردستان کرد.

دویەکە یەکشەممە، نێچیروان بارزانی رەسیە پاریس پایتەخت فەرەنسا، لە جیوەجیکردن مکیسیگ فەرمی.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس پەیوەندییەیل ناوەین فەرەنسا و عراق و هەرێم کوردستان کریەێد، و شیوەیل پاڵپشتیکردن هاوکاری هاوبەش، و باس رای خوەیان لەبان تەقەلایل نواگیریکردن تیرۆر و دویاترین گەشەیل لە ناوچەی خوەرهەڵات ناوڕاس کەن.

 ئی سەردانە لە پشت بەشداریکردن سەرۆک هەرێم کوردستان لە کۆڕبەند دیبلۆماسی ئەنتاڵیا لە تورکیا تیەێد، کە لەناوی بڕیگ دیدار وەرد شمارەیگ وەرپرس و سەرکردەیل ئەنجام دا، ئەرا باسکردن لە بڕیگ لە باوەتەیل.