لە هەرێم کوردستان واران وارێد و پلەی گەرمی کەمیگ بەرزەوبوود

شەفەق نیوز/ دەسەی کەشناسی هەرێم کوردستان، ئمڕوو سێشەممە، کەشوهەوای دوو رووژ دیاریکرد.

دەسەگە لە بەیاننامەیگ راگەیان "ئمڕوو ئاسمان نیمەئەورە تا ئەور تەواو، و هاتێ کەمیگ نمە واران گڕمەهڕ بوود لە فرەیگ لەناوچەیل، مەزەنەکرێد دویای نیمەڕوو ە سەنتەر شارەیل بوارێد و رێژەی وارین لە ناوچەیل خوەرهەڵات و سنوور پارێزگای سلێمانی زیاتر بوود و پلەی گەرمی کەمیگ بەرزەوبوود".

 دیاریکرد، "سوو ئاسمان ساماڵە وەگەرد بڕیگ لەکە ئەور  پلی گەرمی وە (2-3) پلەى سیلیزى  لە توومارەیل ئمڕوو بەرزترەوبوود". 

بەرزترین پلەی گەرمی مەزەنەکریاگ وە پلەی سیلیزی:

هەولێر : 22  پلەی سیلیزی

سلێمانی : 19 پلەی سیلیزی

دهۆک : 22  پلەی سیلیزی 

کەرکوک : 24 پلەی سیلیزی  

زاخۆ  : 23 پلەی سیلیزی

هەڵەبجە : 16 پلەی سیلیزی

سۆران : 20 پلەی سیلیزی

حاجی ئۆمەران : 11 پلەی سیلیزی

گەرمیان : 24 پلەی سیلیزی.