گیچەڵیگ لە کڕەیل گاز کارەبا لە سێ پارێزگای کوردستان بڕێد
شەفەق نيوز- هەولێر
وەزارەت کارەبا لە حکومەت هەرێم کوردستان، ئمڕوو دووشەممە، گیچەڵیگ هونەری لە کڕەیل گاز سروشتی راگەیان، کە بویە مدوو کەمەوبوین ساعەتەیل کارەبا لە پارێزگایەیل هەولێر و دهۆك و سلێمانی.
وەزارەتەگە لە بەیاننامەیگ رەسیە ئاژانس شەفەق نیوز وت: گیچەڵیگ هونەری لە کڕەیل کلکردن گاز سروشتی ئەرا ویستگەیل بەرهەمکردن وزەی کارەبا رویدا، کە بویە مدوو بڕیان کارەبا لە بەشەیلیگ لە پارێزگای هەولێر و دهۆك و سلێمانی.
بەیاننامەگە دیاری کرد کە ئی گیچەڵە وەشیوەیگ وەختانە کاریگەری لەبان تووڕ کارەبای نیشتمانی دروس کرد، و لە خود وەختەگە دووپات کرد کە تیمەیل هونەری و ئەندازیاری وەزارەتەگە دەسکردن وە کارکردن لە خاسەوکردن ئەو گیچەڵە.
وەزارەتەگە وتیش: کادرەیل پسپۆڕ ئەوەسا لە ساعەتەیل کەم ئایندە خاسیەو کەن، و چەوەڕی کریەێد وەگەرد تەواوبوین کارەیل خاسەوکردن کارەبا گلەو بخوەێد.
