لە جەژن زیاتر لە 85 هەزار گەشتیار سەردان پارێزگای 19هەم کرد.. وینە
شەفەق نیوز/ ئمڕوو دووشەممە، وەڕێوەبەرایەتی گەشتوگوزاری هەڵەبجە راگەیان کە لەماوەی سێ رووژ یەکەم جەژن قوربان پیشوازی لە زیاتر لە 85 هەزار گەشتیار و سەردانکەر کردگە، یەیش لە وەختیگ کە تەقەلایل و هەماهەنگی ناوەین دەزگا ئەمنی و خزمەتگوزارییەیل پارێزگاگە دریەێد.
لە بەیاننامەی وەڕێوەبەرایەتی گەشتوگوزاری هەڵەبجە، کە رەسیە ئاژانس شەفەق نیوز وت: "لە سێ رووژ جەژن قوربان هاتن فرەیگ لەلایەن سەردانکەر و گەشتیارەیل ئەرا پارێزگای هەڵەبجە توومار کریاس کە رەسیە زیاتر لە 85 هەزار کەس".
لە بەیاننامەگە وتیش: ئی ریژەی هاتن فرە وە بەشداریکردن لە ژیر چەودیاریکردن ئەندازیار چیا قاسم، وەڕێوەبەر گەشتوگوزار بوی، و لەڕی تەقەلای مەیدانی تیمەیل وەڕێوەبەرایەتیی، کە کار کردن ئەرا ڕێکخستن هامشوو گەشتیارەیل و دروسکردن کەشیگ گونجیاگ ئەرایان لە جەژن.
لە بەیاننامەگە "سوپاس و پیزانین بەرز خوەی ئەرا گشت تیمە پاڵپشتەیل ئاشکرا کرد دیارترینیان هیزەیل ئاسایش، پۆلیس، وەڕێوەبەرایەتی هاتوچو، بەش تەندروسی، پولیس چالاکییە مەدەنییەیل، وەرگری شارستانی، و شارەوانی هەڵەبجە، ئەرا پاڵپشتی و هاوکاری وەردەوامیان لە دڵنیابوین لە سەرکەفتن پرۆسەی پیشوازیکردن لەی شمارەی فرەی سەردانکەرەیلە".
وەڕێوەبەرایەتی گەشتوگوزاری هەڵەبجە ئامادەکارییە وەردەوامەیلی دووپات کەێد ئەرا پیشکەشکردن خاسترین خزمەتگوزاری وە سەردانکەرەیل، و کار ئەرا پەرەپیدان ژیرخانی گەشتیاری و کردن پارێزگارەگە وە شیوەیگ سەرنجڕاکیش گەشتیاری وەدرویژایی ساڵ ەە تایبەت لە بوونە ئاینی و نیشتمانییەیل.
جی باسە، یاسای دامەزرانن پارێزگای هەڵەبجە لە 5 ئایار 2025، دویای بڵاوبوین لە رووژنامەی عراقی کەفتە جیوەجیکردن، هەڵەبجە وە فەرمی جویر پارێزگاریگ سەروەخوەی ناسیا، جویر نۆزدەهەمین پارێزگا لە عراق و چوارەم لە هەرێمی کوردستان.
