پەلاماردان بنکەیگ پێشمەرگە وە درۆن لە مەخموور

شەفەق نیوز - هەولێر

سەرچەوەیگ ئەمنی، ئیوارەی ئمڕوو یەکشەممە، خەوەر دا لە کەفتن پەلامار بنکەی فەرماندەیی سەر وە هیزەیل پێشمەرگە لە کویەی قەرەچووخ لە قەزای مەخموور، وە فرۆکەیگ بێفڕۆکەوان تەقەمەنی کریای، ک بۊە مدوو زەخمداربۊن سێ کەس لە هیزەگە.

سەرچوەگە ئەرا ئاژانس شەفەق نیوز وت: "فرۆکەیگ بێفڕۆکەوان (درۆن) تەقەمەنی کریای، بنکەی فەرماندەیی کەتیبەی سێیەم سەر وە لبوای چواردەی پیادە کردەسە ئامانج، ک شوینیان لە کویەی قەرەچووخە و دەس کێشێد وەبان قەزای مەخموور لە نەینەوا".

سەرچەوەگە وتیش: "ئی پەلامارە بۊە مدوو زەخمداربۊن سێ کەس لە پێشمەرگەیل، و بردنیان ئەرا ناوەندیگ پزیشکی ئەرا چارەسەرکردن".