شەپولیگ خوەڵوتوز روی لە خوەرهەڵات کوردستان کەێد هاتێ لە چەن ناوچەیگ لافاو دروسبوود

شەفەق نیوز/ کەشناسی ئیران، ئڕوو دووشەممە، راگەیان لە ئیوارەی ئمڕووە شەپوولیگ خوەڵ وارین روی لە پارێزگایەیل  کرماشان، ئیلام، سنە، ورمێ و حەفت پارێزگای تر ئیران کەێد و شەپوولەگە تا رووژ سێشەممە وەردەوام بوود.

دیاریکرد، لەبڕیگ ناوچە شەپوولەگە وای تونیگ و خوەڵوارین وەگەردیا بوود رخداری شکانن دار و کەمەوبوین مەودای نوڕین دیرێد هاتێ گیچەڵ هامشو دروسبوود.

لەهەمان وەخت  وەڕێوبەر کەشناسی ورمێ مەهدی سابر راگەیانیە، مەزەنە کرێد لە بەشیگ لە ناوچەیل  پارێزگای ورمێ ئاست ئاو چەمەیل وەشێوەی وەرچەو بەرزەوبوود  و ئاو لەناو شارەیل گردەو بوود، رخداری دروسبوین لافاو هەس، وتیش خوەڵوارینەگە لە فرەیگ لە ناوچەیل خەسە.