کەشناسی هەرێم: هاتێ نمە واران بوارێد و پلەی گەرمی بەرزەوبوین وەخوەی دوینێد

شەفەق نیوز/ دەسەی کەشناسی و زەویلەرزەناسی هەرێم، ئمڕوو چوارشەممە، راگەیان لە ناوچەیلیگ هەرێم نمە واران وارێد و پلەی گەرمی بەرزەوبوین وەخوەی دوینێد لە ماوەی 48 ساعەت ئایندە.

دەسەی کەشناسی هەرێم کوردستان لە بەیاننامەیگ رەسیە ئاژانس شەفەق نیوز راگەیان "ئمڕوو ئاسمان لەناوەین لەکەئەور و نیمەئەورە و هاتێ نمە واران کەمیگ بوارێد لەبان ناوچە کویەیلەی سنوور باکوورر و باکوور خوەرئاوا پلەی گەرمی (3-5 ) پلەی سیلیزى بەرزەوبوود.

دیاریکرد "سوو ئاسمان لەکە ئەورە دویایی ئەرا نیمەئەور ئاڵشتبوود و هاتێ نمە واران کەمیگ بوود لەبان بڕیگ لە ناوچەیل کویەیلەی سنوور باکوور و باکوور خوەرهەڵات، و پلەی گەرمی  وە( 4- 6 ) پلەى سیلیزى بەرزەوبوود".

بەرزترین پلەی گەرمی مەزەنەکریاگ شار و ناوچەیل هەرێم کوردستان:

هەولێر : 21  پلەی سیلیزی

سلێمانی : 20 پلەی سیلیزی

دهۆک : 19  پلەی سیلیزی 

کەرکوک : 24 پلەی سیلیزی  

زاخۆ  : 20 پلەی سیلیزی

هەڵەبجە : 20 پلەی سیلیزی

سۆران : 19 پلەی سیلیزی

حاجی ئۆمەران : 5 پلەی سیلیزی

گەرمیان :27 پلەی سیلیزی.