شاند هەرێم کوردستان بەیاننامەیلیگ ئەرا چارەسەرکەردن گرفتەگان دەێدە دەسەی دارایی لە پەرلەمان
2021-01-26T09:18:22+00:00
شەفەق نیوز/ ماجدە تمیمی ئەندام دەسەی دارایی لە پەرلەمان، ئمڕوو سێشەممە، ئاشکرا کرد ک شاند هەرێم کوردستان بەیاننامەیل ووردیگ لەباوەت بەرهەمکردن نەفت لە هەرێم داگە دەسەگە، ک ئەوەسا هاوکار بوون لە چارەسەرکردن ناکۆکیەگان و گرفتە گیێگرهاتگەگان لەناوبەین هەولێر و بەغداد.
تمیمی لە بەیاننامەیگ رەسیە ئاژانس شەفەق نیوز باس لە گرنگترین باسەگان لە چەوپیکەفتنەگەی دەسەی دارایی لە پەرلەمان وەگەرد شاند هەرێم کوردستان وە سەرپەرشتیاری قوباد تاڵەبانی جیگر سەرۆک حکومەت هەرێم کوردستان کرد، لە باسکردن مادەیل ١٠ و ١١ لە مادەیل بوودجەی فیدڕاڵی ئەرا ساڵ ٢٠٢١.
پەرلەمانتارەگە لە قسەگانی لەناو کۆبونەوەگە دووپات کرد لە ئاشکرایی وەدسداین بەیاننامەگان ئەرا حکومەت فیدڕاڵی چوونکە خوەی بنەمای رەسین ئەرا یەکسانیە لەدابەشکردن داهاتە داراییەگان لەبان گشت پارێزگاگان، و هەمیش لە بنەمای دەستور.
و دیاری کرد ک دەرکەفتن بەشیگ لە ناکۆکیەگان چوودەو ئەرا نەوین ئەو بەیاننامەیل ووردە و نەوین خوازین ئەرا چارەسەرکەردن گرفتەگان.
وتیش: وەدسداین تەنیا ٢٥٠ هەزار بەرمیل نەفت لەلایەن هەرێم، خوەی داین تەنیا ٥٦٪ لە بەرهەمەگەیە ئەرا حکومەت فیدڕاڵی، و هیچ داهاتیگ تر نیەێد، و ئەگەر ئی جوورە بوود، گشت پارێزگا بەرهەمدارەگان خود رێژەگە دەن، و ئەو داهاتەگان نیەن.
و جەختکرد لە گرنگی نوڕستن گشتگیری ئەرا گرفتەگە، و نەبایەد رەفتارکردن وەگەرد پارێزگایلیگ وە میکانزمیگ جیواز لەئەواکان بکریەێد، ک گشتی یەکسانن و هەرچە لە بان لایەنیگ چەسپیەێد لەبان ئەواکەیش بایەد بچەسپیەێد.
تمیمی وتیش؛ چەوپێکەفتنەگە تا وەخت دیریگ لە شەو دووشەممە کیشا.
پەرلەمانتارەگە لە کۆتایی بەیاننامەگەی وت: کۆبونەوەگان وەردەوامن و دەسەی دارایی بەیاننامەیل ووردیگ لە شاندەگە وورگرد، و ئەیە گەشەکردن خاسیگە ئەرا چارەسەرکەردن گرفتەگان لەناوبەین ناوەند و هەرێم.
وەرجەیە، سەرچەوەیگ چەودێر ئەرا ئاژانس شەفەق نیوز ئاشکرا کرد ک کۆبونەوەگە باس لە بەش هەرێم کوردستان لە بوودجەگە کرد، و هەمیش لە هەناردەی نەفت کوردستان لە ری کۆمپانیای سۆمو .
