شاندیگ پەرلەمانی کورد وەگەرد سەرۆک دادگای باڵای فیدراڵ باس مووچەی فەرمانبەرەیل هەرێم کەێد
شەفەق نیوز/ شاند سەرۆک فراکسیۆنەیل کورد لە پەرلەمان عراق، ئمڕوو سێشەممە، وەگەرد سەرۆک دادگای فیدڕاڵی باس مووچەی فەرمانبەرەیل هەرێم کوردستان کرد.
دادگای فیدڕاڵی لە بەیاننامەیگ رەسیە ئاژانس شەفەق نیوز وت: شاندەگە وەگەرد سەرۆک دادگای باڵای فیدراڵ جاسم محمد عەبود باس بڕیار دادگا لەبان مووچەیل هەرێم کوردستان شمارە ٢٢٤ و یەکەی ٢٦٩/ فیدڕاڵی/ ٢٠٢٣، کرد وەگەرد هویردی ریکارەیلی لەی بڕیارە وەو شیوە کە خزمەت ماف تاکە کەسەیل کەێد، و هەمیش پەرلەمانتارەیل ئافەرین لە بڕیارە توکمەیل دادگا کردن کە پشت وە دەستوور بەسێد، و دووپات لەبان چەودیاریکردن ماف عراقیەیل وەبی جیاوازی ناوەین پیکاتەیلی کەێد.
بەیاننامەگە وتیش؛ شاند کورد هەرلە شاخەوان عەبدولڵا سەرۆک ئەنجومەن نوینەرەیل، و شاند یاوەری هەرلە: مەریوان قورەنی سەرۆک فراکسیۆن پارت دیموکرات کوردستان، هەرێم کەمال سەرۆک فراکسیۆن یەکێتی نیشتمانی کوردستان، سەروە عەبدولواحید سەرۆک فراکسیۆن نەوەی نوێ، جەمال کۆچەر سەرۆک فراکسیۆن یەکێتی ئیسلامی، و سۆران عومەر سەرۆک فراکسیۆن کۆمەڵەی ئیسلامی بوین.
