شاند حکومەت هەرێم کوردستان دەسکەێدە دانوسەنین لە بەغداد
شەفەق نیوز/ شاندیگ دانوسەنین لە حکومەت هەرێم کوردستان، ئمڕوو دووشەممە، رەسیە بەغداد پایتەخت، ئەرا دەسکردن وە گەردین گفتوگۆ نوویگ وەگەرد حکومەت عراق.
هەرلە خالد شوانی وەزیر هەرێم ئەرا باوەتەیل دانوسەنین وەرد حکومەت فیدراڵی، و ئومێد سەباح سەرۆک دیوان ئەنجومەن وەزیرەیل هەرێم کوردستان، و عەبدولحەکیم خسرەو سەرۆک هەماهەنگی و چەودیریکردن، و خالد هادی چاوشلی سەرۆک دیوانی چەودیریکردن دارایی لە هەرێم کوردستان، هانە ناو ئەو شاندە.
بەغداد جارانی مانگانە ٤٥٣ مليار دينار عراقی دیادە مووچەی فەرمانبەرەیل هەرێم کوردستان، باوجی دویای ریفراندۆم سەروەخوەیی لەلاین هەرێم کوردستان، بەغداد ئەو پویلە وسان.
دویای چەن گلەیگ لە دانوسەنین سیاسی، هەرێم وەگورەی رێککەفتنیگ وەرد حکومەت لە بەغداد پابەن وە داین ٢٥٠ هەزار بەرمیل نەفت خاو لە رووژیگ کریا.
باوجی ناکۆکیەیل نەفتی دارایی دووارە هاتنەدی، دویای ئەوەگ دادگای فیدراڵی لە ١٥ی شوبات گوزشتە یاسای نەفت وگاز حکومەت هەرێم کوردستان وەنادەستووری راگەیان.
هەرێم کوردستان بڕیار دادگای فیدراڵی وەنادەستووری باس کرد، ک پەنا وەیاسای سەردەم رژیم وەرین بردیە، و ئیجویر بڕیاریگ نادەستووری پەسەن نەکریاگە.
هەرێم کوردستان دەسکردە فرووشتن نەفتەگەی وەجیا لە حکومەت فیدراڵی، دویای قەیرانیگ دارایی لەوەر داوەزین نرخ نەفت لەماوەی داگیرکردن ناوچەیلیگ لە عراق لەلایەن ریخریاگ داعش.
