شارەوانی هەولێر هەڕەشەی هەر کەسیگ دەێد گەناڵخە بخەێدە بان ریەیل
شەفەق نيوز – هەولێر
شارەوانی هەولێر، ئمڕوو شەممە، ئاگادارکردن لە فڕەداین گەناڵخە و زواڵە لەبان جادە و ریوبانەیل سەرەکی دا، و دووپات کرد کە ئەو کەسەیلە کەفنە وەر پرسیارکردن و سزا.
شارەوانی لە بەیاننامەیگ رەسیە ئاژانس شەفەق نیوز وت: لەی رووژەیل دویاییە، بڕیگ لە خاوەن ماشینەیل زواڵە، زواڵە و گەناڵخەی ماڵەیل لە شوینەیلیگ قەیەغە فڕە دانە، و تیمەیل ئیمە لە وەڕیەوبەرایەتی خزمەتگوزاری و مقیەتیکردن ژینگە دیارییان کردنە، و لێکۆڵینەوە وەرانوەریان واز کریا.
بەیانامەگە وتیش: ئەو کەسەیلە وەگورەی ریکارەیل، تا ماوەی دوو رووژ لە وەکارهاوردن دوو شوین سەرەکی ئەرا فڕەداین گەناڵخە لە ناوچەیل نیشتمان و گەلاوێژ بیبەش کریان.
شارەوانی هەولێر دووپات کرد کە شوین کانی قڕژاڵە جویر شوینیگ سەرەکی ئەرا فڕەداین و گردەوکردن زواڵەی شارەگە تەرخان کرد، وتیش: تیمیگ تایبەت لە فەرمانگەی خزمەتگوزاری و ژینگە وە ئامێر و ئامرازیان وە هەماهەنگی وەرد گشت هەڵگرەیل گەناڵخە کار کەن ئەرا رێکخستن ئەو کارە، و مسۆگەرکردن لەملەوکردن بیوەی ئەو گەناڵخەیلە، چ هەن ماڵەیل بوون یا گەناڵخەی بیناسازی بوود.
شارەوانی هەولێر دووپاتیش کرد کە پاکی شارەگە ئەرک گشتیەر ئەرا مقیەتیکردن ژینگەیگ تەندروس و وینەی رەنگینیگ ئەرا هەولێر.
