سەگ وەرەلا کوڕیگ مەوقەی گلەوخواردنی لە مەکتەو کوشێد

شەفەق نیوز/ سەرچەوەیگ پزشکی لە کەرکوک، ئمڕوو شەممە، خەوەردا لە مردن کوڕیگ لە پۆل سێەی سەرەتایی لە ئەنجام پەلامار سەگیگ وەرەلا مەوقەی گلەوخواردنی لە ئەنجامدان تاقیکردن باکوور پارێزگاگە.

سەرچەوەگە ئەرا ئاژانس شەفەق نیوز وت؛ ئەو کوڕە وەناو ئەلەند ئەیمەن رەمزی، لە مەکتەو جوان ستی، کەفتە وەر پەلامار سەختیگ وەلایەن سەگیگ وەرەلا مەوقەی گلەوخواردنی لە ئەنجامدان تاقیکردن لە مەکتەوی لە ناوچەی شوراو باکوور کەرکوک.

وتیش: مناڵەگە ئەرا خەسەخانەی ئازادی بریا، وەلێ لەوەر سەختی زەخمەیلی گیانی لەدەسدا، و تەرمەگەی ئەرا پزشک دادوەری بریا.