سەرۆک هەرێم کوردستان و هاوپەیمان ناودەوڵەتی دووپات لەبان هاوکاری سێ لایەنی لە عراق کەن
شەفەق نیوز/ نێچیروان بارزانی سەرۆک هەرێم کوردستان، شەوەکی ئمڕوو، پیشوازی لە ژەنراڵ کیڤین لیهی فەرماندەی هیزەیل هاوپەیمان ناودەوڵەتی لە عراق و سوریا کرد.
سەرۆکایەتی هەرێم کوردستان لە بەیاننامەیگ وت: لەو دیدارە کە وەزیر پیشمەرگە ئامادەی بوی، باس دویاترین گەشەیل ئەمنی لە عراق و سوریا کریا، و دووپاتکردن لە گرنگی قایمکردن هاوکاری ناوەین هیزەیل پیشمەرگە و سوپای عراق وەگەرد هیزەیل هاوپەیمان ناودەوڵەتی.
وەگەرد دووپاتکردن سەرۆک نێچیروان بارزانی لەبان گرنگی وەردەوامی پشتگیریکردن هاوپەیمان ناودەوڵەتی ئەرا عراق، ئافەرین لە هەماهەنگی هاوبەش وەرد هاوپەیمانەیل لە نواگیریکردن هەڕەشەی تیرۆر کرد، و وەردەوامی هاوکاری ناوەین گشت لایەنەیل وە کلیل قایمکردن ئاسایش لە عراق دانا.
لەلای خوەییش، فەرماندەی هیزەیل هاوپەیمان دەسخوەشی لە رۆڵ هەرێم کوردستان و هیزەیل پیشمەرگە کرد لە جەنگ تیرۆر، و دووپات لە پابەندبوین هیزەیل هاوپەیمان کرد لە وەردەوامی پاڵپشتیکردن عراق و هەرێم کوردستان ئەرا مقیەتیکردن ئاشتی و ئارامی و لەناوبردن رخداری ریخریاگ داعش.
لەلاییگ ترەک لە دیدارەگە داوای وەردەوامی هەماهەنگی و سڵاکردن هاوبەش کریا ئەرا مسۆگەرکردن ئارامی و چارەکردن سەختیەیل ئەمنی ئیسە لە ناوچەگە و چەن باوەتیگ گرنگ.
