سەرۆک هەرێم کوردستان سوپاس ئەڵمانیا کەێد
شەفەق نیوز - هەولێر
نێچیرڤان بارزانی، سەرۆک هەرێم کوردستان، ئمڕوو چوارشەممە، چەوی وە قاسم تاهیر ساڵح، ئەندام پەرلەمان فیدراڵی ئەڵمانی لە پارت "سەوزەیل" کەفت.
وەپای بەیاننامەیگ کە لە سەرۆکایەتی هەرێم کوردستان دەرچگە، سەرۆک نێچیرڤان بارزانی مەوقەی دیدارەگە ئافەرین لە پاڵپشتی پەرلەمان و حکومەت ئەڵمانی ئەرا هەرێم کوردستان لە رووژە سەختەیل کرد، وە تایبەت مەوقەی جەنگ دژ وە تیرۆر، بیجگە لە داڵدەداین و یارمەتیداین ئاوارە ئێزیدییەیل لە ئەڵمانیا.
هەمیش دیدارەگە باس لە نووترین پەرەسەنینەیل لە ناوچەگە، و ریەیل قایمکردن پەیوەندییەیل ناوەین هەرێم کوردستان و ئەڵمانیا لە بوارە جیاوازەیل کرد، وەپای بەیاننامەگە.
یەیش هاوەخت وەگەرد راگەیانن وەزارەت پیشمەرگە تیەێد، لە وەختیگ زۊتر لە ئمڕوو، وە سازکردن رێوڕەسمیگ فەرمی لە سەربازگەی "ستێفان" لە فڕۆکەخانەی ناودەوڵەتی هەولێر، ئەرا راگەیانن کووتاییهاتن ئەرکەیل سەربازی ئەرا راوێژکارە سەربازییەیل لەناو هیزەیل ئەڵمانی کارکەر لە هەرێم کوردستان.
