سەرۆک هەرێم کوردستان تاجە گوڵینە نەێدە بان تەرم کەریم شنگالی (وینە)
شەفەق نیوز/ ئمڕوو چوارشەممە، نێچیروان بارزانی، سەرۆک هەرێم کوردستان بەشداری لە پرسەی کەریم شنگالی وەزیر وەرین ناوخۆی هەرێم کوردستان کرد.
ئمڕوو لە شار هەولێر مەراسیمیگ فەرمی ئەرا وەرگردن تەرم رەحمەتی سازکریا، وە ئامادەبوین مەسعود بارزانی، سەرۆک پارت دیموکرات کوردستان و مەسرور بارزانی، سەرۆک حکومەت هەرێم کوردستان، وەگەرد سمارەیگ سەرکردەی پارت دیموکرات کوردستان، و کەسایەتییە دیارەیل سیاسی و کۆمەڵایەتی.
نێچیروان بارزانی، سەرۆک هەرێم کوردستان تاجەگوڵینە نادە بان تەرم شنگالی، وەرجە وەخاکناینی لە قەورسان پیرمام لە شار هەولێر.
دویەمە سێشەممە، کەریم شنگالی سەرکردە لە پارت دیموکرات کوردستان و وەزیر وەرین ناوخۆی هەرێم کوردستان، لە تەمەن 75 ساڵی دویای زیانیگ وەرد بیماریی کووچ دوایی کرد.
شەنگالی کەسایەتییگ دیار پارتیە، کە لە کابینەی هەشتەم حکومەتی هەرێم وەزیر ناوخۆ بویە، لە ماوەی پۆستەگەی رۆڵیگ سەرەکی لە کاروبار ئەمنی و سیاسی هەرێم داشت.
رەحمەتی لە ناو پارت دیموکرات کوردستان رۆڵیگ وەرچەو رانیە، وە نزیکی لە سەرکردایەتیی پارتی دانریەێد و بەشدار بویە لە کیشان نەخشەی سیاسەت ناوخۆی پەیوەندیدار وە ئاسایش و ئارامی کوردستان.
ئیوارەی دویەکە، سەرۆک هەرێم لە بەیاننامەیگ پرسەی شنگالی گرت و ئافەرین خەباتی کرد و وت: شەنگالی لە ژینگەیگ نیشتمانپەروەری راسگانی گەورە بویە و تەمەنیگ درویژ وە جەنگ وەگەرد پیشمەرگە و خزمەتکردن پرس گەلەگەی و وڵاتەگەی وەسەربردگە، لە رووژەیل شووڕش و جەنگ چەن سەختیگ هەڵگردیە.
نێچیروان بارزانی سەرۆک هەرێم کوردستان لە قسەیلی وتیش: "دویای راپەڕین، رەحمەتی وە خوەبەخشییەو، وەبی مێنیبوین و دوودڵی وەردەوام بوی لە جیوەجیکردن ئەرکەیلی"، وتیش: "ئەزموونی خوەی و نزیکیی لەگەڵ شنگالی لە ماوەی ساڵەیل کار هاوبەش ئەوە نشان دەێد کە نموونەی دەسپاک و خوەیبەخشی بویە، و خاوەن رووحیگ نیشتمانیی بەرز بویە".
