سەرۆک هەرێم کوردستان پاڵپشتی خوەی ئەرا ماف ئێزیدیەیل دووپاتکەێد

شەفەق نیوز/ سەرۆک هەرێم کوردستان نێچیروان بارزانی، ئمڕوو چوارشەممە، پیرۆزبایی لە پێکهاتەیل ئێزیدیەیل کوردستان و جیهان کرد، وەبوونەی جەژن سەرساڵ ئێزیدیەیل، هیوای جەژنیگ ئارامی و ئاشتی  ئەرایان خوازی.

بارزانی لە پیرۆزبایەگەی وت، "پیرۆزبایی گەرمیگ لە دڵەو پێشکەش گشت هاوڵاتی ئێزیدیەیل کوردستان و گشت جیهان کەم وەبوونەی جەژن سەر ساڵ ئێزیدیەیل، گشت جەژن و بوونەیل وە خوەشی ئەرایان و ئەرا  گشت کوردستانیەیل گلەو بخوەد".

وتیش؛ "لەی جەژنە، جاریگ ترەک ئەرا گشت خوەشک و برایەیل ئێزیدی دووپاتیکەیمن، ئیمە پشتیوان و پارێزەر ماف و داواکاری رەوایەیل و ماف گشت پێکهاتەیل کوردستانیمن جویر ئەوەگ هەمیشە بویمنە" دووپاتکرد "کوردستان  ئەرا گشتی جویر وڵاتیگ پێکەوەژیان و لێبوردەیی مینێد".

لە کۆتایی وتیش: "سەرساڵ لە گشتی پیرۆز بوود، گشت ساڵیگ وە خێر و خوەشی".