سەرۆک عراق: دادپەروەریکردن کوردەیل فەیلی پویچەڵکردن بڕیارەیل وەرین خوازێد کە لەبانیان ستەم بوین
شەفەق نيوز/ عەبدولەتیف رەشید سەرۆک کۆمار عراق، ئمڕوو شەممە، داوای پویچەڵکردن یاسا ستەمکاریەیل وەرین وەبان کوردەیل فەیلی کرد، و ئامادەیی سەرۆکایەتی نشان دا ئەرا وسیان وەشان مافەیلیان.
رەشید لە وتاریگ لەناو ماتەمینی ساڵانەی ناوەندی وەبوونەی رووژ شەهید فەیلی وت: دادپەروەریکردن ئی قیکلتە بڕیگ لە ریکارەیل خوازێد، کە هیمان بڕیارەیل ئەنجومەن سەرکردایەتی شووڕش پویچەڵێکریای وەرین وەبانیان ری کەێد، کە خوازێد لاوریەن یا ئاڵشتیان بکریە.
وتیش: سەرۆکایەتی کۆمار ئەوسا و ئیسەیش ئامادەیی هەمیشەیی خوەی نشان دەێد ئەرا وسیان لەشان مافەیل پیکاتەی کورد فەیلی.
وەرجەیە، محمد شیاع سودانی سەرۆک وەزیرەیل عراق، بڕیار دیاریکردن رووژ 2 نیسان لە هەر ساێیگ6دا تا بوودە رووژیگ فەرمی ئەرا شەهید فەیلی، و پارچە زەوییگ دیاری کرد ئەرا قەورسان شەهیدەیل فەیلی.
کوردەیل فەیلی، تویش بارکردن و کوشتن و بڕین و جینۆسایدکردن وەدەس رژیم وەرین هاتن، کە وەگورەی تاریق مەندەلاوی سڵاکار سەرۆک وەزیرەیل ئەرا کاروبار کوردەیل فەیلی، ئی چینە شمارەی گەورەیگ دیرن لە دەزگای شەهیدان، کە 16350 شەهید لە بڕ 60 هەزار شەهید توومار کریاس کە رژیم وەرین سەرنقومیان کرد.
