سەرۆکایەتی هەرێم کوردستان رووژ دوو لە مانگ ئایندە ئەرا یەکەمین دانیشتن پەرلەمان نوو دیاری کەێد

شەفەق نیوز/ دەسەی سەرۆکایەتی هەرێم کوردستان، ئمڕوو سێشەممە، وادەی یەکەم دانیشتن پەرلەمان نوو دانا، لە دوو لە مانگ کانوون دویەم ئایندە.

 قسەکەر دەسەی سەرۆکایەتی هەرێم لە کۆنگرەیگ رووژنامەوانی کە ئاژانس شەفەق نیوز ئامادەی بوی وت: “سەرۆکایەتی هەرێم داوا لە ئەو نوێنەرەیلە کرد کە لە هەڵوژاردن پەرلەمان سەرکەفتنە تا لە رووژ 2 کانون یەکەم لە ساعەت 11:00ی شەوەکی یەکەم دانیشتن پەرلەمان ئەنجام بیەن”. 

 وتیش: "ئی بڕیارە لە بەروار دەرچگنی کەفێدە ئاست جیوەجیکردن و لە رووژنامەی کوردستان گەزێت بڵاو کریەێد". 

 شەهاب دووپات کرد مە: "ئەگەر ئیرادەیگ جددی بوود، بایەسە حکومەت نوو دروس بکریەێد".

 شەهاب وتیش "نشانەیل خاسیگ ئەرا دروسبوین حکومەت نوو هەس، ئیمەیش لە سەرۆکایەتی هەرێم تەقەلا دەیمن ئەرا  لەیەکنزیککردن نووڕین لایەنە سیاسییەیل". 

 یەکشەممەی گوزەشتە، دەسەی کۆمیساریای کۆمسیۆن باڵای هەڵوژاردن لە عراق ئەنجام کۆتایی هەڵوژاردن پەرلەمان کوردستان پەسەن کرد.

 رووژ 10/20/2024 هەڵوژاردن ئەرا خول شەشەم پەرلەمان کوردستان لە چوار بازنەی هەڵوژاردن ئەنجامدریا، و لە 10/30/2024 ئەنجام کۆتایی ڕاگەیەنریا.

 وەگورەی ئەنجام کۆتایی پارتی دیموکراتی کوردستان 39 کورسی هاورد، و شمارەی دەنگەیل نزیکەی 809 هەزار و 197 دەنگ وەدەس هاورد، یەیش پێگەی خوەی جویر گەورەترین پارت لە پەرلەمان قایم کەێد.

 یەکێتی نیشتمانی کوردستان وە 23 کورسی وە نزیکەی 408 هەزار و 141 دەنگ لە پلەی دویەم هات، و بزووتنەوەی نەوەی نوێ وە پاڵپشتی 290 هەزار و 991 دەنگ 15 کورسی هاورد.

 یەکگرتووی ئیسلامی کوردستان 7 کورسی و بزووتنەوەی هەڵوێست نیشتمانی 4 کورسی و کۆمەڵەی دادپەروەری کوردستان 3 کورسی و بەرەی گەل 2 کورسی و بزووتنەوەی گۆڕان یەک کورسی و هاوپەیمانی هەرێم کوردستانیش یەک کورسی وەدەس هاورد.