سلێمانی و کەرکوک.. بکوش ژنیگ خوەی دەێدە دەس و پەیاکردن تەرم گەنجیگ

شەفەق نیوز/ وەڕێوەبەرایەتی پۆلیس سلێمانی، ئمڕوو دووشەممە، خەوەردا بکوش ژنیگ لەدویای ئەنجامدان تاوان لەناو راس شارەگە خوەی دادە دەسەو، و سەرچەوەیگ لە کەرکوک ئاشکرایکرد تەرم گەنجیگ وە کوشیاگی وە گولە پەیاکریا.
وەڕێوەبەرایەتی پۆلیس سلێمانی لە بەیاننامەیگ رەسیە ئاژانس شەفەق نیوز وت "رویداویگ کوشتن لە جادەی (کانی کوردە) لەناوڕاس شارەگە رویدا، کابرایگ لەری گولە ژنەگەی کوشتیە لەری گولە، پۆلیس رەسیەس شوین تاوانەگە و دەسکریاس وە لێکۆڵینەوەی خەسیگ ئەرا دیاریکردن ناسنامەی تاوانبار و دەسگیرکردن".
وتیش "ساعەتیگ لە رویدان رویداوەگە، تاوانبارەگە خوەی وە دەس دایە، دەسگیرکریاس و ئەو چەکە لە تاوانەگە وەکاری هاوریاس دەسوەسەری گیریایە" وتیش "توومەتبار ناوی (ع. س) لەداڵگبوی 1984، وەپای مادەی 406 لەیاسی سزادان عراقی گیریایە، ئامادەکریاس ئەرا دادگایکردن دادپەروەرانە".
لە کەرکوک، سەرچەوەیگ لە پۆلیس ناوخوەیی، خەوەردا "پۆلیس خەوەردا لە هەبوین تەرم گەنجیگ 22 ساڵان لەناوچەی رەس دومیز لەناوڕاس کەرکوک، لێکۆڵینەوە لە رویداوەگە کریا دەرچگە گەنجەگە وە دوو گولە کوشیاس لەقێ سەری".
سەرچەوەگە وتیش، "هێزەیل پۆلیس دەورەی شوینەگە دانە، و لێکۆڵینەوە لە رویداوەگە وازکریاس تەرمەگە ئەرا پزیشک دادوەری کلکریاس بزانن هووکار کوشیانی تاوانکاریە یا هووزانە".