سلێمانی.. دەسگیرکردن دوو بکوش یەکیگیان ژن خوەی کوشتیە و چگە ئەرا ئیران

سلێمانی.. دەسگیرکردن دوو بکوش یەکیگیان ژن خوەی کوشتیە و چگە ئەرا ئیران
2025-02-01T11:25:15+00:00

شەفەق نیوز/ دەسەڵاتەیل ئەمنی و ناوخوەیی لە پارێزگای سلێمانی، ئمڕوو شەممە، دەسگیرکردن دوو توومەتبار وە کوشتن راگەیان، یەکیگیان ژنەگەی خوەی کوشتیە و وەرەو ئیران وایە.

 

هێمن ئیبراهیم، قایمقام قەزای پێنجوێن لە بەیاننامەیگ رەسیە ئاژانس شەفەق نیوز وت: ئەو توومەتبارە خوەی ژنەگەی لە کوردەیل ئیران و ڕەگەزنامەی ئیرانی دیرن، و لە پێنجوێن نیشتەجی بوین، و دیاری کرد کە لایەنەیل ئەمنی لێکۆڵینەوە لەشوین تاوانەگە واز کردن، و دەسکردنە ریکارەیل وەشوینکەفتن توومەتبارەگە دویای وایینی وەرەو ئیران.

  

وتیش: دەسەڵاتەیل دادوەری و پولیس سلێمانی وە فەرمی داوا لە ئیران کردن توومەتبارەگە بەێدە دەس، و دویای لێکۆڵینەوەی سەرتایی دەسگیر کریا، وتیش: ریکارەیل یاسایی وەبان توومەتبار وەردەوامە، وەگەرد چەودیاریکردن لایەنەیل پەیوەندیدار لە هەرێم کوردستان.

   

دەسەڵاتەیل ناوخوەیی لە پێنجوێن دووپات کردن کە هەماهەنگی ئەمنی ناوەین هەرێم کوردستان و ئیران دەسمیەتی دا تا زەوی توومەتبار دەسگیر بکریەێد.

 

وەرانەور ئەوە، وەگورەی بەیاننامەیگ لەلایەن پولیس سلێمانی رەسیە ئاژانس شەفەق نیوز؛ سلێمانی دویەشەو رویداویگ دڵتەزن وەخوەی دی، کە گەنجیگ لە تەمەن 16 ساڵان لەناو وەردەوەردەیگ خیزانی وەچەقوو زەخمدار سەختیگ بوی، و لە دویای رەسینی ئەرا خەسەخانە گیانی لەدەسدا.

 

وتیش: تاوانکارەگە دویای تاوانی لەو شوینە وایە، باوجی تیمەیل پولیس رەسینە شوین رویداوەگە و دەسکردنە لێکۆڵینەوە، و توەنستن ناسنامەی توومەتبار دیاری بکەن،  وە وەخت کوڵیگ کەفتنە شوینی، و وە ماوەی کەمتر لە شەش ساعەت لە تاوانەگە دەسگیری کردن.

بەیاننامەگە وتیش: ئەو توومەتبارە مە وەناو (ل.ت.ح) ناسیاسڕ وەگورەی مادەی 406 لە یاسای سزادان عراقی دەسگیر کریا.

Shafaq Live
Shafaq Live