سلێمانی.. دەسگیرکردن پیاویگ و ژنیگ وە توومەت دزین ملیۆنا دینار و هەزاران دۆلار
شەفەق نیوز- سلێمانی
پزلیس سلێمانی، ئمڕوو دووشەممە، خەوەردا لە دەسگیرکردن پیاویگ و ژنیگ وە توومەت دزین چوار ملیۆن دینار عراقی و پەنج هەزار دۆلار ئەمریکی لە یەکیگ لە هاووڵاتییەیل، لە وەختیگ هیزەیل ئەمنی تۊنستن بەشیگ لە پۊلە دزیایەیل گلەو بیەن.
پولیس لە بەیاننامەیگ کە ئاژانس شەفەق نیوز چەوی وەپی کەفت، وت کە هیزەیلی تۊنستن، دۊای ئەنجامداین لێکۆڵینەوە و وەدۊاچگنەیل، دوو توومەتبارەگە دەسگیر بکەن لەبان دزین بڕە پۊلەگە.
وتیش کە لێکۆڵینەوەیل نشان دان کە هەردوگ توومەتبارەگە بەشیگ لە پۊلە دزیایەیل خەرج کردنە ئەرا سەنین ماتووڕسکیلیگ و کەلوپەلەیلیگ ترەک، لە وەختیگ پولیس تۊنست بەشیگ ترەک لە بڕە پۊلەگە دەسوەسەر بکەێد و گلیەو بەێد.
وەپای بەیاننامەگە، هەردوگ توومەتبارەگە، کە (ع. ج. ح) لە داڵگبۊ 1995، و (ز. ف. ع) لە داڵگبۊ 1997ن، دەسوەسەر کریان وە بڕیار لە دادوەر لێکۆڵینەوە، ئەرا تەواوکردن رێکارە یاساییەیل وەرانوەریان.
