سلێمانی.. خانەنشینەیل پێشمەرگە لەوەر دویاکەفتن مووچەیلیان گردەوبوین (وینە)
شەفەق نیوز/ شمارەیگ لە خانەنشینەیل هێزەیل پێشمەرگەی یەکەی هەفتا و هەشتا و وەزارەت پێشمەرگە، ئمڕوو سێشەممە، لە نوای بینای وەڕێوەبەرایەتی خانەنشینی پارێزگای سلێمانی گردەوبوین، داوای خەرجکردن شایستەیل داراییان کردن کە لەوەخت خانەنشینکردنیان لە ساڵ 2019ەو تا ئیسە دویاکەفتیە.
قسەکەر خوەنیشاندەرەیل موقەدەم تەها عەزیز لە کۆنگرەیگ رووژنامەوانی کە پەیامنێر ئاژانس شەفەق نیوز ئامادەبوی وت، "خانەنشینەیل ماوەی 18 مانگە خانەنشینەیل شایتەیل خانەنشینبوین وەرنەگردنە، وەرد موچەیل گردەوبویان وەرانوەر مووڵەتەیل ساڵانەی نەدریای".
دیاریکرد "خانەنشینەل لە هەمان وەخت دەرماڵەی زەواج و بڕوانامەیل خوەنستن وەرنیەگرن، وەرد پاداشتەیل پلە بەرزکردنەوە کە شمارەی فرەیگیان وەرجە خانەنشینبوین یا دویای وەریگردنە، دووپاتکرد ئێ قەیرانە لە پارێزگای سلێمانییە خانەنشینەیل هەولێر و دهۆک و ناوچەیل ترەک عراق نیەگردەو".
خانەنشینەل داوا لە حکومەت کوردستان کەن لە زویترین وەخت دەرماڵە و پاداشتەیل کووەوبویان خەرجبکەێد " دیاریکردن "شمارەی زەردمەنەیل لەناوەین 13 تا 15 هەزار خانەنشینە".
هەمیش هووشداریدان لە "گامەیلیگ بەرزتر دانەن ئەگەر داواکاریەیلیان پشت گوش بخرێد".
