رانندەیل تەکسی لە سلێمانی داوا لە لایەنەیلیگ حکومەتی کەن پەیمان خوەیان وەجی بارن

2023-01-22T11:47:01.000000Z

شەفەق نیوز/ رانندەیل تەکسی لە سلێمانی، ئمڕوو یەکشەممە، داوا لە لایەنەیل پەیوەندیدار کردن ری وە رانندەیل دەیشت پارێزگاگە نەیەن کار لەناوی بکەن.

جەزا بیسەر قسەکەر وەناو رانندەیل ناڕەزا لە کۆنگرەیگ رووژنامەوانی ئاژانس شەفەق نیوز ئامادەی بوی وت:  شمارەی رانندەیل لە گەراج بەغداد رەسێدە ١٦٠٠ رانندە، و وەفەرمان ئاسایش و پولیس و هاتوچو و گواستنەوە و رەسانن هایمنە گەراجە نووەگە وە دەسپیچگ رێکخستن رەوش رانندەیل، باوجی رانندەیل ماشینەیل  کرای بیمووڵەت لەیرا مەردم لە سلێمانی وەرەو پارێزگایل ناوڕاس و باشوور بەن.

  وتیش: ئەو کەسەیلە ک یاسا شکنن کەسەیاتەیل دەسەڵاتدار پشتیان گردنە، و ئەگەر ئی کارە چارە نەکەن ئەوەیان ناویان ئاشکرا کەیمن.

دیاری کرد ک ئەو چوار فەرمانگە ک ئیمە هاوردنە گەراجە نووەگە، پەیمان وە نەهیشتن پیشیلکاری و چارەکردن گشت گرفتەیل دان ئەگەر هاتیمنە گەراجە نووەگە، باوجی پەیمان خوەیان وەجی ناوردن.

بیسەر داوا لە ئاسایش سلێمانی و پولیس و هاتوچو و وەڕیەوبەرایەتی گواستنەوە و رەسانن کرد نوای ئەو پیشیلکارەیلە بگرن، و هوشداری کرد ئەگەر سزایتن نەیەن وەنە پەنا وەکاریگتر بەن.

Shafaq Live
Shafaq Live