دەسگیرکردن دوو کەس لە فەرمانگەیگ حکومەتی لە دهۆک ٢٠٠ ملیۆن دینار دزینە

شەفەق نیوز/ فەرمانگەی پولیس قەزای ئاکرێ باکوور خوەرهەڵات دهۆک، ئمڕوو چوارشەممە، دەسگیرکردن دوو کەس راگەیان کە 204 ملیۆن دينار عراقی لە فەرمانگەی
دادنویس لە قەزای بەردەڕەش دزینە.
موقەدەم عیماد حسێن وەرپرس راگەیانن پولیس ئاکرێ ئەرا ئاژانس شەفەق نیوز وت: توومەتبار یەکەم فەرمانبەرە لە فەرمانگەی دادنویس، و شوینەگەی وەکار هاوردەیە و توەنست پویلەگە وەماوەی دوو ساڵ وە هاوکاری ئەو توومەتبارەگە بدزێد.
وتیش: لە لێکۆڵینەوە ئاشکرا بوی کە دەسیان لەناو تاوانەگە بویە، و هەردوگیان دان وە تاوانەگە نانە، و تەنیا 50 مليۆن دينار لەو پویل دزیایە گلەو دانە ئەرا گەنجینەی دەوڵەت.
وتیش: ئەو موو توومەتبارە هەواڵەی دادگا کریان، کە ئەوەسا وەگورەی مادەی 316 لە یاسای سزادان عراقی دادکاری کریەن.