دژە تیرۆر کوردستان: درۆنیگ ئیرانی نویسنگەی مەسرور بارزانی کەێدە ئامانج
2026-08-17T09:10:56+00:00
شەفق نیوز- هەولێر
دەزگای دژەتیرۆر هەرێم کوردستان، ئمڕوو دووشەممە، ڕاگەیان نویسینگەی سەرۆک حکومەت مسرور بارزانی لە شار هەولێر وە فڕۆکەیگ بیفڕۆکەوان ئیرانی کریاسە ئامانج.
دەزگاگە لە بەیاننامەیگ کە رەسیە ئاژانس شەفق نیوز وت: "شەوەکی ئمڕوو، دوو فڕۆکەی بیفڕۆکەوان بۆمبڕێژکریاگ لە جویر (حديد-110) وە لایەن ئیرانەو ئاڕاستەی بارەگای نوسینگەی تایبەت سەرۆک وەزیرەیل هەرێم کوردستان و شوین نیشتەجیبوین وەڕێوەبەر ئاژانس پاراستن هەرێم لە قەزای پیرمام لە پارێزگای هەولێر کریا".
وتیش: "خوەشبەختانە پەلامارەیلە هویچ زەردیگ گیانی نەداشتیە"، لە هەمان وەخت وە توندترین شێوە شەرمەزار ئێ پەلامار و دەسدرویژیەیلە کرد و وە ناڕەوا دانرێ وە هەر شێوەیگ بوود، و لایەنەیل جیوەجیکار خسە ژیر وەرپرسیارەتی تەواو لە ئەنجامەیلی.
