دویای نووەوبوین خول سەرۆکایەتییەگەی.. نێچیرڤان بارزانی ئەرا مالیکی: ئەزموون ئیوە دەسمیەتی دەێد ئەرا بەرزکردن دیالۆگ نیشتمانی
شەفەق نیوز/ ئمڕوو شەممە، نێچیرڤان بارزانی، سەرۆک هەرێم کوردستان، لە ناو کۆنفرانس نۆزدەهەمین کۆنفرانس گشتیی حیزب دەعوەی ئیسلامی، پیرووزبایی لە نووری مالیکی کرد وەبوونەی دووارە هەڵوژاردنی وە ئەمینداری گشتیی پارت دەعوەی ئیسلامی.
لە بەیاننامەیگ فەرمی بارزانی، کە ئەرا ئاژانس شەفەق نیوز رەسیە وت: "وە بوونەی نووەوبوین هەڵوژاردن و وەرگردن پۆستی ئەمیندار گشتی حزب دەعوەی ئیسلامی لە کۆنفرانس نۆزدەهەم، گەرمترین پیرووزبایی خوەم لە نوری مالیکی برای ئازیزم کەم، ئومید وەردەوامیی سەرکەفتن و خوەشگوزەرانی ئەراک خوەی و پارت دەعوە خوازم".
بارزانی باس ئەوەیش کرد کە "نووەوکردن متمانە وە سەرکردایەتیەیل، پێزانینە ئەرا ئەو رۆڵ سیاسیی دیارە کە رانینە، و بەڵگەس لەبان ئەو ڕێز و پێگە کە وەدەس هاوردنە، دڵنیام کە ئەزموون و لێهاتگ ئەوان دەسمیەتی دەن ئەرت بەرزکردن گفتوگۆی نیشتمانی، و چەسپیان بنەڕەت سیستەم دیموکراسی، و پەرەپیدان وەیەکەوژیان و لەیەکفامسنن ناوەین گشت پێکهاتەیل گەل عراق".
ئمڕوو، لە کۆنفرانس ١٩هەمین کۆنفرانس پارت دەعوەی ئیسلامی، نووری مالیکی سەرۆک هاوپەیمان دەوڵەت یاسا، جویر ئەمیندار گشتی ئەو حیزبە هەڵوژیا.
مالیکی لە ساڵ 2006ەو ئەمیندار گشتی ئەو حزبە بویە، هەناێ پۆست سەرۆک وەزیرەیل عراق وەرگردو، لە شوین ئیبراهیم جەعفەری، کە لە پارت دەعوە جیاوە بوی، و باڵیگ سیاسی نوو دروس کرد.
پارت دەعوەی ئیسلامی پارتیگ سیاسی عراقە و یەکیگە لە پارتە سەرەکییەیل شیعە، لە ساڵ ١٩٥٧ دامەزریاس، مەرجع ئایینی محمد باقر سەدر (لە لایەن رژیم سەدامەو لە سێدارە دریاس) یەکیگە لە دامەزرێنەرەیل دیاریە.
