دویای تەواوبوین ئەرکەیلی.. هيتشن ئەرا نێچیروان بارزانی دووپات لە وەردەوامی پشتگیریکردن بەریتانیا ئەرا کوردستان کەێد
شەفەق نیوز/ ستیڤن هیتشن، باڵیۆز بەریتانیا لەلای عراق، ئەرا نێچیروان بارزانی سەرۆک هەرێم کوردستان، ئمڕوو دووشەممە، دووپات لە وەردەوامی پشتگیریکردن وڵاتەگەی ئەرا هەرێم کوردستان لە ماوەی ئایندە کرد.
ئەوەیش لە پیشوازیکردن نێچیروان بارزانی لە باڵیۆز بەریتانیا لە شار هەولێر پایتەخت هەرێم کوردستان هات، وە بوونەی تەواوبوین ئەرکەیل دیبلۆماسیی لە عراق، وەگورەی بەیاننامەیگ رەسیە ئاژانس شەفەق نیوز.
لە دیدارەگە، بارزانی رێز خوەی ئەرا ئەو تەقەلایلە ئاشکرا کرد کە باڵیۆز بەریتانیا لە قایمکردن پەیوەندییەیل ناوەین بەریتانیا و عراق و هەرێم کوردستان پیشکەشی کرد، و ئافەرین لە ڕۆڵی لە بەرزکردن هاوکاری هاوبەش کرد لە جویراجویر چینەیل، و ئارەزوو سەرکەفتن لە ئەرکەیل نووی ئەرای داشت.
لەلای خوەییش، هيتشن سوپاس و رێز خوەی ئاشکرا کرد ئەرا پشتگیریکردن حکومەت و گەل کوردستان، و دووپات لە وەردەوامی پشتگیریکردن وڵاتەگەی ئەرا عراق و هەرێم کوردستان لە گشت چینەیل کرد.
پەیوەندییەیل بەریتانیا و عراق و هەرێم کوردستان، وەگەرد بڕیگ باوەت گرنگ، باسایل ناو ئەو دیارە بوین کە قونسوڵ گشتی بەریتانیا لە هەرێم کوردستان ئامادەی بوی.
