دوو رویداو هاتوچو لە هەرێم کوردستان.. مردن دوو مەدەنی و زەخمداری 5 کەس

شەفەق نیوز/ وەڕێوەبەرایەتی هاتوچو کەرکوک، ئمڕوو چوارشەممه،  مردن مەدەنیگ و زەخمداری سێ کەس ترک راگەیان لە ئەنجام رویداویگ هاتوچو لەناوەین ری ناوەین هەولێر کەرکوک.

قسەکەر وەڕێوەبەرایەتیەگە عەقید عامر نەریمان وە ئاژانس شەفەق نیوز وت، " "رویداوەگە لە ئەنجام لەیەکەوداین ماشینیگ لە جویر پیک ئاب (کیا کناو) لە پشت بارهەڵگر گەپگ بویە،  وە مدوو وە هەڵە نواکەفتن وە لایەن رانندەی پیک ئابەگەو بویە".

وتیش، "لەیەکەودانەگە تون بویە لە ئەنجا مەدەنیگ لە شوین رویداوەگە گیان لە دەسدا، و سێ کەسیش زەخمدوواربوین کە ئەرا چارەسەرکردن بریانە خەستەخانە، قوربانیەگەش ئەرا پزیشک دادوەری کلکریا".

لەهەمان وەخت، گەنجیگ لە بیسەیل تەمەنی گیان لەدەسدا و دوو کەسیش تویش زەخمداری هاتن لە دیر وەخت دویەشەو لە ئەنجام لەیەکەوداین ناوەین دوو ماتۆرسکیل و ماشین بارهەڵگریگ، لەبان ری پشت سنوور ئیدارەی گەرمیان.

وەپای پەیامنێر ئاژانس شەفەق نیوز وت، رویداوەگە نزیک "گردەگۆزینە" بویە هەنای دوو ماتۆڕسکیل دەن لە بارهەڵگریگ، لە ئەنجام  رانندەی یەکیگ لە ماتۆڕسکیلەیل دەسوەجی مرد  ئەوەکە وەرد رانندەی بارهەڵگرەگە زەخمدارن.

وتیش، ئەو گەنجە مردیە ناوی ئەحمەد نەبیلە و تەمەی 20 ساڵە، ئەراپزیشک دادوەری  کلکریا زەخمدارەیلەش ئەرا چارەسەرکردن بریانە خەستەخانەی شەهید "هەژار".