حكومەت هەرێم کوردستان پەیمان وەخەرجکردن ٥ مووچەی پاشەکەوت و دیرکەفتگ دەێد

Category: هــــه‌واڵ كــوردى

Date: 2020-10-13T12:02:25+0000
حكومەت هەرێم کوردستان پەیمان وەخەرجکردن ٥ مووچەی پاشەکەوت و دیرکەفتگ دەێد
شەفەق نیوز/ ئاوات شێخ جەناب وەزیر دارایی و ئابووری لە حکومەت هەرێم کوردستان، ئمڕوو سێشەممە، پەیمان دا وە خەرجکردن پەنج مووچەی پاشەکەوت و هەمیش دیرکەفتگ لە دابەشکردنی لەبان فەرمانبەرەیل و کارکەرەیل لە کەرت گشتی لە هەرێم.
وەزیرەگە لە بەیاننامەی کوڵبڕیگ لە دویای کۆبونەوەگەی وەگەرد دەسەی دارایی لە پەرلەمان هەرێم وت: سێ مووچەگەی کابینەی حکومەت وەرین ک خەرج نەکریان، هانە گەردن حکومەت هەرێم جوور پابەندی پویلییگ گ، و مووچەی ئەی دوو مانگەگە چەوەڕی رێککەفتنیگ لەلیان کەیمن لەناوبەین بەغداد و هەولێر.
لەلای خوەییش زیاد جەبار وەرپرس دەسەگە لە کۆنگرەیگ رۆژنامەوانی لە دویای کۆبونەوەگە وت: ئمڕوو شێخ جەناب سەردان دەسەگە کرد و کۆبونەوەیگ وەگەردیا کردیمن چوار ساعەت کیشا، ئەرا روونکردن هەڵوێستەگە دەربارەی مووچەی مانگ ئەیلوول، وچەن پرسیاریگ لەلی کریا و وەڵامیان دا.
وتیش؛ حکومەت هەرێم پابەندە وە خەرجکردن شایستە داراییەگان ئەرا سێ مانگ پاشەکەوت لە ساڵ ٢٠١٦ و ٢٠١٧ ئەویش لە ناو یاسای چاکسازی.
هەمیش وت؛ مووچەی دوو مانگ لە ساڵ ٢٠٢٠ ک تا ئیسە خەرجکردنیان دیرکەفتگە، پەیمانیگ لە حکومەت هەرێم وەرگردیمن لەزووان وەزیر دارایی وە خەرجکردنی لە دویای رێککەفتن دارایی وەگەرد حکومەت فیدڕاڵی لە کۆتایی ئی ساڵە.

related

هەرێم کوردستان سێ مووچە وە پاشەکەوت دانەێد و مووچەداین مانگانە کەێدە یەکیگ وەگەرد بەغداد

Date: 2020-08-18 11:09:09
هەرێم کوردستان سێ مووچە وە پاشەکەوت دانەێد و مووچەداین مانگانە کەێدە یەکیگ وەگەرد بەغداد

بەغداد رەزامەنی دەێد ئەرا خەرجکردن مووچەی فەرمانبەرەیلیگ لە هەرێم کوردستان ئەرا مانگەیل (٤-٨)

Date: 2020-09-08 10:23:49
بەغداد رەزامەنی دەێد ئەرا خەرجکردن مووچەی فەرمانبەرەیلیگ لە هەرێم کوردستان ئەرا مانگەیل (٤-٨)

پارێزگایگ لە هەرێم کوردستان روونکردنیگ دەرکەێد لەباوەت داواکردنی وە خستن مووچەگان لەبان بەغداد

Date: 2020-09-15 11:37:06
پارێزگایگ لە هەرێم کوردستان روونکردنیگ دەرکەێد لەباوەت داواکردنی وە خستن مووچەگان لەبان بەغداد

حکومەت هەرێم کوردستان لە سوو پەنجشەممەو مووچە دابەشکەێد

Date: 2020-10-14 11:26:23
حکومەت هەرێم کوردستان لە سوو پەنجشەممەو مووچە دابەشکەێد