تەندروسی سلێمانی دڵنیایی لە باوەت کۆڕۆنا کەێد و یەک مەرج ئەرا وسانن دەوام لە مەکتەوەیل هەرێم دیاری کەێد

شەفەق نیوز/ دکتۆر سەباح هەورامی وەڕێۆبەر گشتی تەندروسی پارێزگای سلێمانی، ئمڕوو شەممە، وەدویر زانست ک شەپۆل دوویەم ڤایڕۆس کۆڕۆنا لە وەرینەگە دڕندەتر بوود، و دووپات کرد ک ئەگەر ڤایڕۆسەگە لەناو چینە خوەنەواریەگان بڵاو بوی ئەو وەختە دووارە دەوام فەرمی لەناویان دویا خریەێد.

هەورامی لە کۆنگرەیگ رۆژنامەوانی ئمڕوو وت: ڤایڕۆس کۆڕۆنا لە ساڵ گوزەیشتە مەترسیدارتر نێەوود، و ئەگەر گشتمان وە ریکارە مقەیەتیەگان پابەند بویمن نێکەفیمنە وەر کارەسات گەورایگ.

و دووپات کرد ک وەڕێۆبەر تەندروسی سلێمانی لە نزیکەو چەودیری رەوشەیل مەکتەوەگان کەێد، و ئاماژە کرد ک ئەگەر رێژەی تووشهاتنەگان وە کۆڕۆنا زیایەو بوی و سەرچەوەگەی مەکتەوەگان بوی، ئەو وەختە ریاکرەگان بریەن و دووارە دەوامەگە دویا خریەێد.

هەمیش وت: ریەیلیگ تر هەس ک توێنیمن پەنا ئەرایان بوەیمن، و مەرج نییە وەڕاستەخۆ مەکتەوەگان بووەسیەن، و دیاری کرد ک لەو ریەیلە ک نیمەی دەوامەگە ئەلیکتڕۆنی لە دویرەو بوود، و ئەو نیمەگە لە ئامادەبوین لەناو مەکتەوەگان، وەلی هیچ نشانەیلیگ لە دووارە دویاخستن دەوام نییە.