تاڵەبانی: وەگەرد بەغداد رەسیمنە رێککەفن ئەرا خەرجکردن مووچەی پیشمەرگە و هیزە ئەمنییەیل
تاڵەبانی ئەرا بڕیگ میدیایل راگەیانن وت: وەگەرد حکومەت فیدراڵی رێککەفتیمن لەبان سوو ناو ئەندامەیل هیزەیل پیشمەرگە و هیزەیل ئەمنی لە هەرێم کوردستان ئەرا بەغدا کل بکەیمن، کە ئمڕوو کلیان نەکریا.
دیاری کرد کە دەسەیگ هاوبەش لە دیوان چەودیاریکردن دارایی کوردستانی و فیدراڵی دروس کریا.
هەرلیوا، بڕیارە شاندیگ لە دیوان چەودیاریکردن دارایی لە هەرێم کوردستان بڕەسێدە بەغداد ئەرا تەواوکردن هویدبوینی لیست فەرمانبەرەیل هەرێم کوردستان.
لەباوەت مووچەی مانگ ئایار، تاڵەبانی وت: بەشیگ لە مووچەی مانگ ئایار رەسیە و ئەوەسا وەی نزیکە بەشەو کریەێد.
رووژ پەنجشەممەی گوزەشتە، وەزارەت دارایی راگەیان کە فەرمانگەی ژمیاری دەسکردە سپۆنسەرکردن مووچەی فەرمانبەرەیل هەرێم کوردستان لە مەدەنیەیل، وەگەرد شایستەی کەمئەندامەیل، و مووچەی خانەنشینەیل مەدەنی و سەربازی، و شەهید و ئەنفالکریایل، و گریەبەسیو شایستەیل فەرمانگەیل هەرێم کوردستان.
بەیاننامەگە باس مووچەی هیزەیل پیشمەرگە و ئەو هیزەیل ئەمنی لە هەرێم کوردستان نەکرد.
حکومەت هەرێم کوردستان، رووژ پەنجشەممە، دووپات کرد کە مووچەی گشت هیزەیل ئەمنی و فەرمانبەرەیل وەرجە جەژن قوربان بەشەو کریەێد.
