بەغداد وەرد هەرێم کوردستان باس میکانیزمەیل زویکردن لە هاوردن و بردن بەرهەمەیل کشتوکاڵی کەێد
شەفەق نيوز – بەغداد
وەزارەت کشتوکاڵی فیدڕالی، ئمڕوو سێشەممە، وەگەرد شاندیگ لە هەرێم کوردستان، باس میکانیزمەیل هاوردن و بردن بەرهەمەیل کشتوکاڵی ناوەین ئەو پارێزگایەیل عراق و هەرێم کوردستان کرد.
وەزارەتەگە لە بەیاننامەیگ رەسیە ئاژانس شەفەق نیوز وت: جینشین ئیداری وەزارەت کشتوکاڵی وەرد شاند وەزارەت کشتوکاڵی هەرێم کوردستان، کە رزگار حەمەد خدر سڵاکار وەزارەتەگە، و زبدە محمد کەریم وەڕیەوبەر گشتی فەرمانگەی پلانسازی و وەشوینکەفتن لە هەرێم کوردستان لەناوی بوی، باس میکانیزمەیل هاوردن و بردن بەرهەمەیل کشتوکاڵی ناوەین هەرێم کوردستان و بەغداد پایتەخت و پارێزگایەیل باشوور کرد، لە چوارچیوەی پاڵپشتیکردن هاوکاری کشتوکاڵی.
وتیش: لە دیدارەگە دووپات لە گرنگی ئاسانکردن ریکارەیل کریا، وە وازکردن وەچیگ زویوەزوی ئەرا وەڕیخستن کارەیل، و گورجکردن دانوسەنین ناوەین دوو لایەن، وەگەرد پشتبەسین وە سەکوو ئەلیکترۆنی و زویکردن کارەگە، وەگەرد پابەندبوین وە یاسا و رینمایەیل.
بەیانامەگە وتیش: ئی دیدارە لە چوارچیوەی زەنجرەیگ لە گردەوبوین تیەێد، ئەرا پاڵپشتیکردن تەواکەر کشتوکاڵی ناوەین ناوەند و هەرێم کوردستان، وەشیوەیگ ئەوزەڵکردن کشتوکاڵی وەردەوام وەجی بارێد.
