بارزانی: لیلی قاسم یەکەمین خانمە کورد بوی لە عراق لە سێدارە دریا
شەفەق نیوز/ یەکێتی ژنەیل کوردستان، ئمڕوو یەکشەممە، یەکەمین کۆربەن خوەی ئەرا ژنەیل کوردستان لە شار هەولێر سازکرد وە ئامادەبوین سەرۆک کورد مەسعود بارزانی.
چالاکی کۆربەنەگە وە ئامادەبوین 700 ئەندام لە ئەندامەیل یەکێتیەگە دەسوەپیکرد و ماوەی دوو رووژ وەردەوام بوی.
سەرۆک کورد لە وتاریگیگی لەمیانەی کۆربنەگە رۆل ژنەیل کورد و رۆڵی لە بزوتنەوەی ئازادکردن کوردستان لەماوەی سەردەی وەرین وەهویروهاورد.
بارزانی وت؛ ژنەیل کورد پاڵپشت هێزەیل پێشمەرگە بوین و ئازا و چەونەترس بوین و پشت وەخوەیان بەسان ل بەڕەنگاربوین رێکخریاگ داعش.
هەمیش باس لە چالاکوان کورد لەیلی قاسم کرد و راگەیان، ئەرا یەکەمینجار لە عراق ژنیگ کورد لە سێدارە دریا، داوا لێکریابوی نامەیگ ئەرا ئەحمەد حەسەن بەکر بنویسێد و داوای وەخشین بکەێد باوجی رەدیکرد.
لەیلا قاسم سیاسەتمەداریگ کوردە و لە 27 کانوون دویەم ساڵ 1952 لە خانەقین لە داڵگبویە، لە سەرەتای حەفتاگان سەدەی وەرین لە پارتی دیموکراتی کوردستان چالاکی داشت.
قاسم لە ساڵ ١٩٧١ لە کۆلێژ ئاداب زانکۆی بەغدا لە بەش کۆمەڵناسی دەس وە خوەنین زانکۆ کرد، لە ٢٩ی نیسان ١٩٧٤ وەلایەن حکومەت عراقەوە دەسگیرکریایە و لە ١٢ی ئایار ١٩٧٤ لەسێدارەدریا.
