بارزانی: بەغداد رەنجەیل هەرێم کوردستان رەسانە ئەنجام وە دەنگدان ئەرا هەڵەبجە
شەفەق نيوز/ نێچیروان بارزانی سەرۆک هەرێم کوردستان، ئمڕوو دووشەممە، ئافەرین لە دەنگدان پەرلەمان عراق ئەرا پارێزگابوین هەڵەبجە جویر پارێزگای نوویگ کرد، دووپات کرد کە بەغداد رەنجەیل هەرێم کوردستان وە دەنگدان ئەرا هەڵەبجە تەواو کرد.
بارزانی لە بەیاننامەیگ رەسیە ئاژانس شەفەق نیوز وت: وە بوونەی دەنگدان ئەنجومەن نوێنەرەیل عراق لەبان بڕیار وەپارێزگاکردن هەڵەبجە جویر پارێزگایگ فەیمب، گەرمترین پیرووزبایی لە خەڵک هەڵەبجە و گشت خەڵک هەرێم کوردستان کەم، و سوپاس و رێزم ئەرا ئەنجومەن نوێنەرەیل عراق و گشت ئەو لایەنەیلە لە هەرێم کوردستان و عراق پیشکەش کەم، کە دەسمیەتی لە سەرکەفتن ئی کارە دانە.
وتیش: ئەوەک ئمڕوو وەدەسهات، جی شانازی و خوەشیە ئەرا گشت ئیمە لە کوردستان، و بە ماویگە لە هەرێم کوردستان دەسوە گامەیلیگ کردیمنە ئەرا رێکخستن رەوش ئیداری لە پارێزگای هەڵەبجە، و ئمڕوو ئەو رەنجەیلە وەو بڕیار فەرمیە لە بەغدادەو رەسنە ئەنجام، تا دەنگدان ئەرای جویر پارێزگایگ بوودە کەمترین پیشکەشکردن ئەرای، جویر وەفدارییگ ئەرا قوربانیەیل و زیان هەڵەبجە و خەڵک خەباتکاری.
بارزانی باس ئومیدی کرد کە ئی بڕیارە دەسمیەتی بەێد لە خاسەوکردن ژیان مەردمڕ و وەدەسهاوردن گەشەپیدان و خزمەتگوزاری و دووارە ئاوەدانکردن، و بەرزکردن هەڵەبجە لە گشت روییگ، کە ئەرک و وەرپرسیاریەتیە وەبان گەردن گشتمان، و بایەسە وە دڵسووزی و وەفاداری جیوەجیی بکەیمن.
ئمڕوو دووشەممە، ئەنجومەن نوێنەرەیل عراق، دەنگدا لەبان ئەوە کە پارێزگای هەڵەبجە بوودە نۆزدەهەمین پارێزگا لە عراق.
